- nihal123Top contributor
- Posts : 6327
Join date : 2014-02-24
Age : 58
Location : Waga
කලමාසු අලුත් අධ්යක්ෂ මණ්ඩලයෙන් දැවැන්ත හිමිකම් නිකුතුවක්. කොටස් මිල 25% කින් පහළට
මේ අතර කලමාසු සමාගම විසින් දැවැන්ත හිමිකම් නිකුතුවක් ඊයේ දිනයේ දී ප්රකාශයට පත්කරනු ලැබීය. ඒ දැනට පවතින සෑම කොටස් එකකටම කොටස් 60 ක් වන පරිද්දෙනි. මෙහිදී එක් කොටසක් නිකුතු කිරීමට තීරණය කර ඇති මිල රු. 520.00 කි. මේ අනුව කොටස් මිලියන 3 ක් රු. 520 බැගින් නිකුත් කිරීමට කටයුතු කෙරෙන අතර එමගින් එක්රැස් කර ගැනීමට නියමිත මුදල රුපියල් බිලියන 1.56 කි. මෙහි විශේෂත්වය වනුයේ සමාගමේ වත්මන් වෙළෙඳපොළ ප්රාග්ධනීකරණය ද රුපියල් මිලියන 56.76 ක් වීමයි.
මෙම හිමිකම් නිකුතුව ප්රකාශයට පත්වීමත් සමඟම අද මධ්යහ්නය වන විට කලමාසු සිස්ටම්ස් පීඑල්සී හි කොටස් මිල රු. 1,133.40 දක්වා රු. 377.80 කින් පහළ ගිය අතර මෙය 25% ක කොටස් මිල කඩා වැටීමකි.
මුද්රණ කර්මාන්තය හා ආශ්රිත උපකරණ සහ ලිපිද්රව්ය අලෙවි සමාගමක් වන කලමාසු සිස්ටම්ස් හි බහුතර කොටස් අයිතිය රේණුකා හෝල්ඩිංග්ස් පීඑල්සී විසින් පසුගිය ජූලි 20 වන දින අත්පත් කර ගන්නා ලදී. එහිදී කලමාසු සිස්ටම්ස් හි ප්රමුඛ කොටස් හිමියා වූ නිමල් පෙරේරා විසින් තමා සතු කොටස් 34,985 ක් රු. 1,428.00 බැගින් අලෙවි කරනු ලැබීය. මෙය සමාගමේ ප්රකාශිත ප්රාග්ධනයෙන් 69.97% කි.
මෙමඟින් එක්රැස් කර ගන්නා අරමුදල් රේණුකා ඩිවලොප්මන්ට්ස් ලිමිටඩ් හි හිමිකම් කොටස් ආයෝජනයක් වෙනුවෙන් යොදා ගැනීමට තීරණය කර ඇති බව සමාගම විසින් වැඩිදුරටත් නිවේදනය කර ඇත.
මෙම හිමිකම් නිකුතුව කොළඹ කොටස් වෙළෙඳපොළේ අනුමැතියට හා අතිවිශේෂ මහා සභා රැස්වීමේ දී කොටස්කරුවන්ගේ අනුමැතිය ලබා ගැනීමට යටත්ව ප්රකාශ කරන ලද්දකි.
http://biz.adaderana.lk/
- smallvilleTop contributor
- Posts : 1872
Join date : 2014-02-23
Location : Trying to figure out..
Re: කලමාසු අලුත් අධ්යක්ෂ මණ්ඩලයෙන් දැවැන්ත හිමිකම් නිකුතුවක්. කොටස් මිල 25% කින් පහළට
- nihal123Top contributor
- Posts : 6327
Join date : 2014-02-24
Age : 58
Location : Waga
Re: කලමාසු අලුත් අධ්යක්ෂ මණ්ඩලයෙන් දැවැන්ත හිමිකම් නිකුතුවක්. කොටස් මිල 25% කින් පහළට
biz_man Top News September 8th, 2016
කලමාසු සිස්ටම්ස් පීඑල්සී හි හිමිකාරීත්වයේ වෙනසක් පසුගිය දා සිදුවිය. මෙම වෙනස්වීමත් සමඟම සමාගමේ කොටස් ප්රකාශිත කොටස් ප්රමාණයෙහි වෙනස්කමක් සිදුකිරීමට නව හිමිකරුවන් පියවර ගෙන තිබේ.
කලමාසු සිස්ටම්ස් පීඑල්සී යනු ඉතා අඩු කොටස් ද්රවශීලතාවයක් තිබෙන සමාගමකි. සමාගමේ සම්පූර්ණ කොටස් ප්රමාණය 50,000 කි. මින් කොටස් 34,985 ක අයිතිය ඇත්තේ රේණුකා හෝල්ඩිංග්ස් පීඑල්සී සතුවය. එබැවින් ගනුදෙනු සඳහා ද්විතීයික වෙළෙඳපොළ වෙත නිරාවරණය වී ඇති කොටස් ප්රමාණය 15,000 ක් පමණ වේ.
මෙම තත්ත්වය තුළ සමාගමේ අධ්යක්ෂ මණ්ඩලය විසින් හිමිකම් නිකුතුවක් (Right Issue) සිදුකිරීමට පසුගියදා තීරණය කරනු ලැබීය. මෙහිදී දැනට තිබෙන සෑම එක් කොටසකටම කොටස් 60 ක් හිමි වන පරිද්දෙන් මෙම හිමිකම් නිකුතුව නිවේදනය කර ඇත. එහිදී එක් කොටසක් සඳහා ගෙවිය යුතු වටිනාකම වනුයේ රු. 520.00 කි.
මෙම හිමිකම් නිකුතුවෙන් පසු සමාගමේ කොටස් ප්රමාණය 3,050,000 ක් දක්වා ඉහළ යනු ඇත.
මීළඟට සමාගමේ නව අධ්යක්ෂ මණ්ඩලය විසින් ගෙන ඇති තීරණය වනුයේ හිමිකම් නිකුතුවෙන් පසු පවතින කොටස් සඳහා කොටස් අනුබෙදුමක් (Sub-Division) සිදුකිරීමයි. එහිදී එක් කොටසක්, කොටස් 100 ක් බවට පරිවර්තනය වීමට නියමිතය.
මේ අනුව හිමිකම් නිකුතුව සහ කොටස් අනුබෙදුම අවසානයේ දී සමාගමේ සමස්ත කොටස් සංඛ්යාව 305,000,000 ක් බවට පරිවර්තනය වනු ඇත. මෙම තත්ත්වය තුළ දී සමාගමේ කොටස්, ද්විතීයික වෙළෙඳපොළ ගනුදෙනු සඳහා වඩාත් ද්රවශීලත්වයක් ලබා දෙනු ඇත.