ඇමෙරිකානු ඩොලරය ශක්තිමත් වීම නිසා රජයේ සුරැකුම්පත්වලින් විදේශ ආයෝජන පිටට ගලා යෑමත් ආනයන ඉහළ යෑම නිසාත් අපේ විනිමය අනුපාතය මත සැලකිය යුතු පීඩනයකට මුහුණ දීමට සිදු වූ බව ද, මේ අනුව මේ වසරේ (2018* මුල සිට ඔක්තෝබර් 01 වැනි දින දක්වා කාලය තුළ ඇමෙරිකානු ඩොලරයට සාපේක්ෂව ශ්රී ලංකා රුපියල සියයට 9.7 කින් පිරිහී ඇතැයි ද එසේම මේ වසරේ (2018* මුල සිට මේ දක්වා ඇමෙරිකානු ඩොලර් මිලියන 500 ක් පමණ ආර්ථිකයෙන් පිටවී ගොස් ඇතැයි ද මහ බැංකු අධිපතිවරයා පෙරේදා මහ බැංකුවේදී පැවති මාධ්ය හමුවේදී කීවේය. මේ වනවිට මහ බැංකුව මැදිහත් වී තත්ත්වය සමනය කර ඇතැයි කියා සිටි ඔහු ඒ සඳහා මේ වසරේ මුල සිට මේ දක්වා ඇමෙරිකානු ඩොලර් මිලියන 184 ක් දේශීය විදේශ විනිමය
fea8 2වෙළෙඳපොළේ මහ බැංකුව විසින් විකුණා ඇති බව ද ඇමෙරිකානු පොලී අනුපාත ඉහළ යෑමෙන් තවදුරටත් විදේශ විනිමය රටින් පිටව යෑමේ අවදානමක් ඇති බව ද එහිදී මාධ්යවේදීන් ඇසූ ප්රශ්නවලට පිළිතුරු දෙමින් කීවේය. කවරක් නමුත් එම තත්ත්වයන් පාලනය කිරීමට රජයට හැකියාවක් ඇති බව ද කී මහ බැංකු අධිපතිවරයා තවදුරටත් කීවේ එම පියවරයන් නිසා ජීවන වියදමට බලපෑමක් සිදුවිය හැකි බවයි. එනිසා මහ බැංකු අධිපතිවරයා කියන අදහස් වලින් පැහැදිලි වන කරුණු කිහිපයකි. එනම් ඇමෙරිකානු පොලී අනුපාත තවදුරටත් ඉහළ යෑමට ඇති ඉඩකඩ නිසා අපේ රුපියල මත ඇති වන පීඩනය තවදුරටත් වර්ධනය වීම අපේක්ෂා කළ හැකි බවයි. එසේම තෙල් මිල ගණන් ඉහළ යන ප්රවණතාව හමුවේ අපට ඇතිවිය හැකි පීඩනයන් තවත් උත්සන්න වනු ඇති බවයි. ඒ නිසා ජනතාවට අප කියා සිටින්නේ රුපියලට ඇති පීඩනය මහ බැංකුව සහ රජය එක්ව සමනය කර ගත්තත් ඒ සඳහා අනුගමනය කරන ක්රියා මාර්ගවල බලපෑම් වලට මුහුණ දීමට ඔබ සැමට සිදු වනු ඇති බවයි. එහි ප්රධානතම බලපෑමක් වන්නේ ජීවන වියදමට ඇති වන බලපෑමයි. දැනටමත් ජනතාව ඉන්නේ ජීවන බරින් මිරිකී ඉමහත් දුෂ්කර තත්ත්වයකය. ඒ නිසා ජනතාවට කබලෙන් ළිපට වැටෙන තත්ත්වයකට මුහුණදීමට සිදුවනු ඇතිද? අපි බලා සිටිමු.
මහ බැංකුව ඔවුන්ට මේ රුපියල පිරිහීමේ ප්රශ්නය කෙතරම් කළමනාකරණය කළ හැකි බව කීව ද ඔවුන්ට කළ හැක්කේ විනිමය අනුපාත කළමනාකරණය තුළින් ආනයන හෝ අපනයන දිරි ගැන්වීමේ හෝ අධෛර්යමත් වීමට බලපෑමක් කිරීමට සහ දිනපතා විනිමය අනුපාත තීරණය කිරීමේ කාර්යයේදී විදේශ සංචිත විකිණීම සහ මිලදී ගැනීම තුළින් විනිමය අනුපාතය උස් පහත් වීම් එනම් උච්චාවචනයන් අවම කිරීමට පියවර ගැනීමයි. දැනට මහ බැංකුව අනුගමනය කරන්නේ නම්යශීලී විනිමය අනුපාත ප්රතිපත්තියක් නිසා ඔවුන් බොහෝ දුරට ඉඩ දී ඇත්තේ වෙළෙදපොළ බලවේග මගින් විනිමය අනුපාතය තීරණය වීමටය. ඒ නිසා මහ බැංකුව විශාල අවප්රමාණයකට හෝ අධිප්රමාණයකට තුඩු දෙන උච්චාවචනයන්හිදී විනිමය අනුපාතය ස්ථාවර කිරීමට මැදිහත් වුවත් රුපියල පිරිහීමේ ප්රධාන ප්රවණතාව වැළැක්වීමට මැදිහත් නොවන බව කිව යුතුය. මෙවැනි තත්ත්වයකදී විදේශ සංචිත යොදාගෙන රුපියල
රැුකගැනීමට ගියහොත් වනු ඇත්තේ සංචිත විනාශ කර ගැනීමටය. අන්තිමට විදෙස් සංචිතත් අහිමි කරගෙන රැුකගත් රුපියලකුත් නැති තත්ත්වයකට මුහුණ දීමට මහ බැංකුවට සිදුවනු ඇත. ඒ නිසා මහ බැංකුව මේ අවස්ථාවේ කරන්නේ විදෙස් සංචිතත් රැුකගෙන විනිමය අනුපාතය කිසියම් මට්ටමකට ස්ථාවර කිරීමට මැදිහත් වීම පමණි. එසේ නම් මේ ප්රශ්නයට කෙටි කාලීනව යම් පියවර ගත හැකිව තිබෙන නමුත් දීගුකාලීන ස්ථිරසාර පිළියම වන්නේ හැකිතාක් විදේශ විනිමය ඉපයුම් වර්ධනය කර ගැනීමට ක්රියාමාර්ග ගැනීමයි. මෙහිදී අපනයන වර්ධනය කර ගැනීම අත්යවශ්ය ප්රමුඛම කරුණකි. එහෙත් කණගාටුවට කරුණ වන්නේ අපනයන ආදායම් වර්ධනය කර ගැනීම ක්ෂණිකව, කෙටිකාලයකදී කළ නොහැකි වීමයි. ඒ සඳහා කල් ගත වේ. එහෙත් ඒ සඳහා හෝ වෙනත් විදේශ විනිමය ආදායම් ඉහළ නංවා ගැනීමේ තිරසාර වැඩපිළිවෙළක් තවමත් පෙනෙන්නට නැති නිසා රජය බොහෝ දුරට ආනයන පාලන ක්රියාමාර්ග පමණක් අනුගමනය කරමින් සිටින බවක් පෙනේ. අපේ ආර්ථිකය තුළ අපනයන මෙන් දෙගුණයක් ආනයන පවතින නිසා අපේ අපනයන වැඩිකර ගැනීමෙන් තොරව මේ ප්රශ්නයට දිගුකාලීන විසඳුමක් නොමැති හෙයින් අපේ රුපියලට ඉදිරියේදී ඇති වන පීඩනය තවදුරටත් වර්ධනය වුවහොත් කරන්නේ කුමක්ද? පෙරේදා මහ බැංකු මාධ්ය හමුවේදී මාධ්යවේදියකු ඇසූ ප්රශ්නයකට පිළිතුරු දෙමින් මහ බැංකුවේ ජ්යෙෂ්ඨ නියෝජ්ය අධිපති ආචාර්ය නන්දලාල් වීරසිංහ මහතා කීවේ තවදුරටත් ඩොලරයේ ඉල්ලූම ඉහළ ගියහොත් රුපියල අවප්රමාණය වීම පාලනය කිරීම සඳහා ඉදිරියේදී තවත් ක්රියාමාර්ග ගැනීමට අවශ්ය වනු ඇති බවයි. දැනට සිදුකර ඇත්තේ අත්යවශ්ය නොවන ආනයන ගෙන්වීම පාලනය කිරීමට පියවර ගැනීමක් පමණක් බව ද ඔහු කීවේය. ආනයනවලට බදු පැනවීම, ආනයන සීමා කිරීම, පොලී අනුපාත වැඩි කිරීම සහ ණය ගැනීම සීමා කිරීම වැනි තවදුරටත් අනුගමනය කළ හැකි ක්රියාමාර්ග රැුසක් තිබෙන බවත් එය තීරණය වන්නේ අපේ විනිමය අනුපාතයට ඇති වන පීඩනය වර්ධනය වන ප්රමාණය මත බවත් ඔහු වැඩිදුරටත් පැහැදිලි කළේය. රුපියලට ඇති වන පීඩනය වර්ධනය වීමට අමතරව තෙල් මිල ගණන් ද තවදුරටත් ඉහළ ගියහොත් අපට මුහුණ දීමට සිදුවන පීඩනය තවත් ඉහළ නැංවෙනු ඇත. ආනයන පාලනයෙන් පමණක් රුපියල පිරිහීමේ ප්රශ්නයට විසඳුම් සෙවිය නොහැකි බව රජය තේරුම් ගත යුතුය. එය තාවකාලික පැලැස්තරයක් පමණි. මේ සම්බන්ධයෙන් අපට මහජනයාට කීමට ඇත්තේ රුපියල පිරිහීමේ සහ තෙල් මිල ඉහළ යෑමේ අනාගත බලපෑම්වලට තවදුරටත් සූදානම්ව සිටින්න යන්නයි.
+++++++++++++++++++++++++++++++++++++++++++++++++++++++++
ලෝක ආර්ථිකයට ඇති අභියෝග තවත් තීව්ර විය හැකියි
- ශ්රී ලංකා මහ බැංකුව
fea8 3ශ්රී ලංකා මහ බැංකුවේ මුදල් මණ්ඩලය ඉකුත් ඔක්තෝබර් මස 01 වැනි දින පැවති රැුස්වීමේදී ප්රතිපත්ති පොලී අනුපාතික දැනට පවතින මට්ටමේම පවත්වා ගැනීමට තීරණය කළේය. ඒ අනුව නිත්ය තැන්පතු පහසුකම් අනුපාතිකය :ීෘත්ඍ* සහ නිත්ය ණය පහසුකම් අනුපාතිකය :ීඛත්ඍ*ල පිළිවෙළින් සියයට 7.25 සහ සියයට 8.50 මට්ටමේ පවතී. මැදිකාලීනව උද්ධමනය මැදි තනි අගයක මට්ටමේ ස්ථායී කිරීම මගින් ආර්ථික වර්ධනයට සහාය වීමේ අරමුණ ඇතිව දැනට පවත්නා සහ අපේක්ෂිත දේශීය සහ ගෝලීන ආර්ථික වර්ධනයන් සැලකිල්ලට ගනිමින් මුදල් මණ්ඩලය ඉහත තීරණයට එළඹී ඇත.
ඇමෙරිකානු ඩොලරය අඛණ්ඩව ශක්තිමත් වීමත් සමඟම ජාත්යන්තර වශයෙන් දැඩි මුදල් ප්රතිපත්ති වාතාවරණයක් දක්නට හැකිය. ෆෙඩරල් සංචිත බැංකුව විසින් ප්රතිපත්ති පොලී අනුපාතික ඉහළ නැංවීමත් සමඟම ඇමෙරිකානු ඩොලරය ශක්තිමත් වීම සහ පොලී අනුපාතික තවදුරටත් ඉහළ නංවනු ඇතැයි. පවතින අපේක්ෂා නැඟී එන වෙළෙඳපොළ ආර්ථික මත බලපෑම් ඇති කළේය. එයට ප්රතිචාර වශයෙන් විනිමය අනුපාතික මත සැලකිය යුතු පීඩනයක් පවතින නැඟී එන වෙළෙඳපොළ ආර්ථික සිය ප්රතිපත්ති පොලී අනුපාතික ඉහළ නැංවීම මඟින් මුදල් ප්රතිපත්ති ස්ථාවරය දැඩි කොට ඇත. මේ අතර ජාත්යන්තර ඛනිජ තෙල් මිල ගණන්වල දැකිය හැකි ඉහළ යෑමේ ප්රවණතාව ගෝලීය ආර්ථිකය මුහුණ පා ඇති අභියෝගය තවදුරටත් තීව්ර කිරීමට හේතු විය හැකිය.
විදේශීය අංශය මිශ්ර ක්රියාකාරීත්වයක් වාර්තා කළ අතර විනිමය අනුපාතිකය ඉහළ වේගයකින් අවප්රමාණය විය. අපනයන වර්ධනයට වඩා ආනයන වර්ධනය වැඩි වීම හේතුවෙන් 2018 වසරේ පළමු මාස හත තුළදී වෙළෙඳ ගිණුමේ හිඟය තවදුරටත් පුළුල් විය. ඉන්ධන, රත්රන් සහ පෞද්ගලික භාවිතය සඳහා මෝටර් රථ ආනයනය ඉහළ යෑමේ හේතුවෙන් ආනයන වියදම සැලකිය යුතු ලෙස ඉහළ ගියේය. වසර තුළදී සංචාරක කර්මාන්තය වැනි සේවා ආශ්රිත ලැබීම් සැලකිය යුතු ලෙස ඉහළ යෑමක් සහ ගෙවුම් ශේෂයේ මූල්ය ගිණුම ශක්තිමත් වීමක් සිදු වූව ද රජයේ සුරැුකුම්පත් වෙළෙඳපොළ වෙතින් විදේශ ආයෝජන පිටතට ගලා යෑම ගෙවුම් ශේෂය මත පීඩනයක් ඇති කළේය. ඇමෙරිකානු ඩොලරය ප්රධාන වශයෙන් ශක්තිමත් වන පසුබිමක් තුළ ආනයන ඉහළ යෑම සහ
ප්රාග්ධනය පිටතට ගලා යෑම හේතුවෙන් විනිමය අනුපාතිකය මත සැලකිය යුතු පීඩනයක් ඇතිවිය. ඒ අනුව ඉන්දියාව, පිලිපීනය සහ ඉන්දුනීසියාව වැනි කලාපීය සෙසු රටවල දක්නට හැකි ආකාරයෙන්ම 2018 වසරේ ඔක්තෝබර් මස 01 වැනි දින දක්වා කාලය තුළ ශ්රී ලංකා රුපියල ඇමෙරිකානු ඩොලරයට සාපේක්ෂව සියයට 9.7 කින් අව ප්රමාණය විය. 2018 සැප්තැම්බර් මස මුල් සති කිහිපය තුළදී විනිමය අනුපාතිකයෙහි අක්රමවත් හැසිරීම පාලනය කිරීම සඳහා මහ බැංකුව විදේශ විනිමය වෙළෙඳපොළට මැදිහත් වීමට අමතරව ශ්රී ලංකා මහ බැංකුව සහ රජය විසින් පෞද්ගලික භාවිතය සඳහා මෝටර් රථ ආනයනය මත ණයවර ලිපි විවෘත කිරීම සඳහා තැන්පතු අවශ්යතා පැනවීම, තෝරාගත් අත්යවශ්ය නොවන පාරිභෝගික භාණ්ඩ ආනයන සඳහා මුදල් තැන්පතු අවශ්යතා පැනවීම සහ සහනධායී වාහන බලපත්ර තාවකාලිකව අත්හිටුවීම වැනි ප්රතිපත්තිමය ක්රියාමාර්ග ගණනාවක් හඳුන්වා දෙන ලදී. මෙම ක්රියාමාර්ග තුළින් විදේශ විනිමය සඳහා වන ඉහළ ඉල්ලූම අඩු වනු ඇතැයි ද එමඟින් දැනටමත් විනිමය අනුපාතිකය ස්ථාවර වීම මඟින් පෙනී යන ආකාරයට දේශීය විදේශ විනිමය වෙළෙඳපොළ තුළ ඇති පීඩනය අවම වනු ඇතැයි ද අපේක්ෂා කෙරේ.
ශ්යාම් නුවන් ගනේවත්ත
Shyam.divaina@gmail.com
» CCS.N0000 ( Ceylon Cold Stores)
» Sri Lanka plans to allow tourists from August, no mandatory quarantine
» When Will It Be Safe To Invest In The Stock Market Again?
» Dividend Announcements
» MAINTENANCE NOTICE / නඩත්තු දැනුම්දීම
» ඩොලර් මිලියනයක මුදල් සම්මානයක් සහ “ෆීල්ඩ්ස් පදක්කම” පිළිගැනීම ප්රතික්ෂේප කළ ගණිතඥයා
» SEYB.N0000 (Seylan Bank PLC)
» Here's what blind prophet Baba Vanga predicted for 2016 and beyond: It's not good
» The Korean Way !
» In the Meantime Within Our Shores!
» What is Known as Dementia?
» SRI LANKA TELECOM PLC (SLTL.N0000)
» THE LANKA HOSPITALS CORPORATION PLC (LHCL.N0000)
» Equinox ( වසන්ත විෂුවය ) !
» COMB.N0000 (Commercial Bank of Ceylon PLC)
» REXP.N0000 (Richard Pieris Exports PLC)
» RICH.N0000 (Richard Pieris and Company PLC)
» Do You Have Computer Vision Syndrome?
» LAXAPANA BATTERIES PLC (LITE.N0000)
» What a Bank Run ?
» 104 Technical trading experiments by HUNTER
» GLAS.N0000 (Piramal Glass Ceylon PLC)
» Cboe Volatility Index
» AHPL.N0000
» TJL.N0000 (Tee Jey Lanka PLC.)
» CTBL.N0000 ( CEYLON TEA BROKERS PLC)
» COMMERCIAL DEVELOPMENT COMPANY PLC (COMD. N.0000))
» Bitcoin and Cryptocurrency
» CSD.N0000 (Seylan Developments PLC)
» PLC.N0000 (People's Leasing and Finance PLC)
» Bakery Products ?
» NTB.N0000 (Nations Trust Bank PLC)
» Going South
» When Seagulls Follow the Trawler
» Re-activating
» අපි තමයි හොඳටම කරේ !
» මේ අර් බුධය කිසිසේත්ම මා විසින් නිර්මාණය කල එකක් නොවේ
» SAMP.N0000 (Sampath Bank PLC)
» APLA.N0000 (ACL Plastics PLC)
» AVOID FALLING INTO ALLURING WEEKEND FAMILY PACKAGES.
» Banks, Finance & Insurance Sector Chart
» VPEL.N0000 (Vallibel Power Erathna PLC)
» DEADLY COCKTAIL OF ISLAND MENTALITY AND PARANOID PERSONALITY DISORDER MIX.
» WATA - Watawala
» KFP.N0000(Keels Food Products PLC)
» Capital Trust Broker in difficulty?
» IS PIRATING INTELLECTUAL PROPERTY A BOON OR BANE?
» What Industry Would You Choose to Focus?
» Should I Stick Around, or Should I Follow Others' Lead?