- Ethical TraderTop contributor
- Posts : 5568
Join date : 2014-02-28
ඇමති රාජිතට එරෙහිවත් විශ්වාස භංගයක්
Image caption විශ්වාස භංග යෝජනාව කතානායකවරයා වෙත භාර දුන් අවස්ථාව
බරපතල දූෂණ, වංචා චෝදනා සහ සයිටම් පෞද්ගලික වෛද්ය විද්යාලය සම්බන්ධයෙන් 'පක්ෂග්රාහී වීම' ඇතුළු චෝදනා හේතුවෙන් සෞඛ්ය හා දේශීය වෛද්ය අමාත්ය රාජිත සේනාරත්නට එරෙහිව පාර්ලිමේන්තුවේ විශ්වාසය භංග වී ඇති බව ඒකාබද්ධ විපක්ෂය පවසයි.
ඇමතිවරයාට එරෙහි සිය චෝදනා ඇතුළත් විශ්වාස භංග යෝජනාවක් මින් මොහොතකට පෙර කතානායක කරු ජයසූරිය වෙත භාර දුන් බව ද ඒකාබද්ධ විපක්ෂය පවසයි.
චෝදනා දහයක් යටතේ අමාත්යවරයාට එරෙහිව ඉදිරිපත් කර තිබෙන විශ්වාස භංග යෝජනාවට මන්ත්රීවරුන් 39 දෙනෙකු අත්සන් තබා තිබේ.
මෑතක වන තුරුම සම්මුතිවාදී ආණ්ඩුවේ රාජ්ය අමාත්ය පදවියක් හෙබැවූ ප්රියංකර ජයරත්න මන්ත්රීවරයා සහ හම්බන්තොට දිස්ත්රික් පාර්ලිමේන්තු මන්ත්රී නාමල් රාජපක්ෂ මෙන්ම ගාල්ල දිස්ත්රික් පාර්ලිමේන්තු මන්ත්රීනි ගීතා කුමාරසිංහ ද යෝජනාවට අත්සන් තැබූවන් අතර වෙති.
ඒකාබද්ධ විපක්ෂයේ පාර්ලිමේන්තු කණ්ඩායම් නායක දිනේෂ් ගුවවර්ධන මන්ත්රීවරයා ද එයට අත්සන් තබා ඇතත්, කුරුණෑගල දිස්ත්රික් පාර්ලිමේන්තු මන්ත්රී මහින්ද රාජපක්ෂ එයට අත්සන් තබා නැත.
Image copyright Twitter
Image caption විශ්වාස භංග යෝජනාවට අත්සන් තබන නාමල් රාජපක්ෂ මන්ත්රීවරයා
අමාත්ය රාජිත සේනාරත්නට එරෙහි චෝදනා:
අල්ලස් හෝ දූෂණ විමර්ශන කොමිෂන් සභාව වෙත ඉදිරිපත් කර තිබෙන චෝදනා සම්බන්ධ විභාගයට සහභාගි නොවීම
එසේ මග හැරීම හේතුවෙන් එකී චෝදනාවලට ඔහු වැරදිකරු බවට සමාජයේ මතයක් ගොඩ නැගීම
ශ්රී ලාංකික වෛද්ය අධ්යාපනය තුළ බරපතල අර්බුදයක් නිර්මාණය කිරීම
නෙවිල් ප්රනාන්දු රෝහල රජයට පවරාගත් බව පවසමින් එය මහජන මුදලින් නඩත්තු කිරීම
අභියාචනකරණයේ පවතින විභාගයකදී සයිටම් ආයතනයට පක්ෂග්රාහීව කරුණු දැක්වීම
වෛද්ය අධ්යාපනයේ අවම ප්රමිතීන් ගැසට් කිරීම සිතා මතාම මග හැරීම
ඩෙංගු වසංගතයට ක්ෂණික පිළියම් යෙදීමට අපොහොසත්වීම මගින් ජනතාවගේ ජීවත්වීමේ අයිතිය අවදානමකට ලක් කිරීම
පිළිකා රෝගය සඳහා සිය හිතවතෙකුට අයත් සමාගමක් විසින් ගෙන්වන ලද, විශේෂඥ වෛද්යවරුන් ප්රතික්ෂේප කළ, ඖෂධයක් මිලදී ගැනීමට බලපෑම් කිරීම
ධීවර අමාත්ය පදවිය දැරූ සමයේ මෝදර ධීවර වරාය ටෙන්ඩර් පටිපාටියෙන් බැහැරව අඩු මිලකට පෞද්ගලික සමාගමකට ලබා දී මූල්ය පාඩුවක් සිදු කිරීම
ධීවර අමාත්ය පදවිය දැරූ සමයේ චීන සමාගමකට මසුන් මැරීමේ බලපත්ර නිකුත් කිරීම සඳහා ලාභයෙන් කොටසක් ඉල්ලා සිටීම.
- Ethical TraderTop contributor
- Posts : 5568
Join date : 2014-02-28
Re: ඇමති රාජිතට එරෙහිවත් විශ්වාස භංගයක්
- CKActive Member
- Posts : 1393
Join date : 2015-11-01
Re: ඇමති රාජිතට එරෙහිවත් විශ්වාස භංගයක්
- RanaTop contributor
- Posts : 1786
Join date : 2015-12-16
Re: ඇමති රාජිතට එරෙහිවත් විශ්වාස භංගයක්
- Yin-Yang
- Posts : 1321
Join date : 2016-03-12