- nihal123Top contributor
- Posts : 6327
Join date : 2014-02-24
Age : 58
Location : Waga
අමානා තකාෆුල් ලයිෆ් රුපියල් මිලියන 75ක මුලික මහජන කොටස් නිකුතුවකට පිවිසෙන බව නිවේදනය කරයි
කොළඹ ව්යාපාරික වස්තු හුවමාරුවේ දිරිසවි පුවරුවේ ලැයිස්තුගත වන මෙම සමාගම රුපියල් 1.50 බැගින් වූ සාමාන්ය ඡන්දය හිමි කොටස් මිලියන 50ක් නිකුත් කිරීමට අපේක්ෂා කරන අතර එය සමාගමේ මුළු කොටස් වටිනාකමින් 10% ක ප්රතිශතයක් ගනී. අමානා තකාෆුල් ලයිෆ් ලිමිටඩ් හි මූලික මහජන කොටස් නිකුතුව 2016 වසරේ ජූලි 21 වන දින ආරම්භ කෙරෙන අතර මෙම කොටස් නිකුතුවට අදාළ තොරතුරු රැසක් අනාවරණය කෙරෙන සංස්ථා ප්රකාශය සහ අයදුම් පත් 2016 වසරේ ජූලි 4 වන දින සිට මහජනතාවට ලබා ගත හැක.
මූලික මහජන කොටස් නිකුතුවේ අවම කොටස් දායකත්වය කොටස් 1000ක් වන අතර 1000 ගුණාකාරයන්ගෙන් කොටස් මිලදී ගත හැක. මෙම මූලික මහජන කොටස් නිකුතුවේ මූල්ය උපදේශනය සහ කළමනාකරණය ඇක්විටි පාර්ට්නර්ස් පුද්ගලික සමාගම විසින් සිදු කරන අතර නිල බැංකුකරු ලෙස අමානා බැංකුව කටයුතු කරයි.
මූලික මහජන කොටස් නිකුතුවක් සිදු කර ජීවිත හා සාමාන්ය රක්ෂණ ව්යාපාරයන් එකිනෙකට ස්වායත්තව පවත්වාගෙන යෑමේ පරමාර්ථයෙන් 2011 අංක 3 දරණ නියාමන රෙගුලාසි මගින් ශ්රී ලංකා රක්ෂණ මණ්ඩලය පනවා ඇති නියාමනය සමාගමේ ඉදිරි කටයුතු සඳහා ඉමහත් ශක්තියක් වනු ඇත්තේ ජීවිත රක්ෂණ ක්ෂේත්රය වාර්තා කළ වර්ධනය අඛණ්ඩව වසරක් පුරාවට අභිබවා යෑමට අමානා තකාෆුල් ලයිෆ් සමාගමට හැකිවීම නිසයි (2015 ශ්රී ලංකා රක්ෂණ මණ්ඩල දත්ත විමසුමට අනුව).
“මෙම මූලික මහජන කොටස් නිකුතුව මගින් සමාගමේ ශක්තිමත් බව තවත් වැඩි කෙරෙන අතර තකාෆුල් ලයිෆ් සමාගමේ අනාගත වර්ධනයේ කොටස් කරුවන් බවට මහජනතාවට පත්වීමටද අවස්ථාව හිමි වනවා“ යනුවෙන් අමානා තකාෆුල් ලයිෆ් ලිමිටඩ් හි සභාපති තයිබ් අක්බර්අලි මහතා පැවසීය.
“අනාගතයේදී ඉහළ ආර්ථීක වර්ධයක් සහිත ශ්රී ලංකාව තුළ ජීවිත රක්ෂණ ක්ෂේත්රය සඳහා ඉහළ විභවයක් පවතින බව අපට පෙනෙනවා“ යනුවෙන් අමානා තකාෆුල් ලයිෆ් ලිමිටඩ් හි ප්රධාන විධායක නිලධාරි රියාස් ජෙෆ්රි මහතා පැවසීය. ඔහු වැඩිදුරටත් සඳහන් කළේ, යටිතල පහසුකම් සංවර්ධන ක්ෂේත්රයේ සහ ප්රධාන ආර්ථීක ක්රියාකාරකම් ආශ්රිතව ජීවිත රක්ෂණය සඳහා ඉහළ ඉල්ලූමක් පවතින අතර මෙම වෙළෙඳපොළ තවමත් විවෘතව පවතිනවා. ඒක පුද්ගල ආදායම ඩොලර් 4000ක් බවට පත් වූ පසුව ගොඩනැගෙන පරිසරය සහ අවශ්යතා අනුව ජීවිත රක්ෂණ සමාගම් පාරිභෝගිකයින් හඹා යෑමට වඩා පාරිභෝගිකයින් සමාගම් වෙත පැමිණිමට ඉහළ විභවයක් පවතිනවා“ යනුවෙනි.
අමානා තකාෆුල් ලයිෆ් ලිමිටඩ් අඛණ්ඩව ජීවිත රක්ෂණ ක්ෂේත්රයේ වාර්තාවන් අභිබවා යමින් ගත වූ වසර පහ තුළ සංයුක්ත වාර්ෂික වර්ධන අනුපාතය 31% ක් ලෙසට පවත්වාගෙන යෑමට සමත් වූ අතර 2015 දෙසැම්බර් 31වන දායින් අවසන් වන මූල්ය වර්ෂය තුළ රුපියල් මිලියන 928ක දළ වාරික ආදායමක් වාර්තා කිරීමටද සමාගම සමත් විය. සලකා බලනු ලැබූ වසර පහක කාලසීමාව තුළ ජීවිත රක්ෂණ ක්ෂේත්රයේ සංයුක්ත වාර්ෂික වර්ධන අනුපාතය 11% ක් වූ අතර 2015 වසර තුළ ක්ෂේත්රයේ මෙම අගය දැක්වුනේ 20% ක් ලෙසිනි (2015 ශ්රී ලංකා රක්ෂණ මණ්ඩල දත්ත විමසුමට අනුව). 2015 වසර අමානා තකාෆුල් ලයිෆ් ලිමිටඩ් ස්වායත්තව ක්රියාත්මක වූ පළමු වසර තුළදීම (ස්වායත්ත වීම සඳහා දරණ ලද පිරිවැය සහ ආයෝජන ආදායම්වල අඩුවීමක් තිබියදී) රුපියල් මිලියන 18ක ලාභයක් ලැබීය.
ඉදිරි 5 වසර තුළ සංයුක්ත වාර්ෂික වර්ධන අනුපාතය 34% ක් බවට පත් කර ගැනීමට අමානා තකාෆුල් ලයිෆ් ලිමිටඩ් සැලසුම් කරන අතර ඒ සඳහා වන උපායමාර්ගික එළැඹුම් සඳහා මේ වන විටත් යොමුවී සිටී. මේ යටතේ සමාගමේ විකුණුම් බලකාය ශක්තිමත් කරමින් නූතන තාක්ෂණය තුළින් ඔවුන් සවිබල ගැන්වීමටත් එසැනින් ගනුදෙනු කිරීමේ හැකියාව ලබා දීම සහ අමානා බැංකුව සමග බැංකුරක්ෂණ සේවා ගිවිසුම් සඳහා එළැඹීමටත් සමාගම ඉදිරියේදී අපේක්ෂා කරයි.
අමානා තකාෆුල් ලයිෆ් ක්ෂේත්රයට නව හඳුන්වාදීම් රැසක් සිදුකළ සමාගමක් වන අතර ෂරියා ඉස්ලාමීය සංකල්පය මත පදනම් වූ විශ්රාම සැලසුමක් සහ ආයෝජන සැලසුමක් වන දීර්ඝායූ සහ ප්රොස්පර් සැලසුම් මේ සඳහා නිදසුන් ලෙස පෙන්වා දිය හැක.
රක්ෂණ ව්යාපාර නියාමන රෙගුලාසිවල අවශ්යතාව මත අමානා තකාෆුල් ලයිෆ් ලිමිටඩ් ස්වායත්ත ව්යාපාරයක් ලෙස ක්රියාත්මක විමට පෙර මෙම සමාගම අමානා තකාෆුල් පී.එල්.සී හි ජීවිත රක්ෂණ සේවා අංශය ලෙසින් ක්රියාත්මක විය. මෙම සමාගම දැනටත් අමානා තකාෆුල් පී.එල්.සී හි පූර්ණ අනුබද්ධිත සමාගමකි.
දිවයිනේ දිස්ත්රික්ක 22 ක ප්රධාන නගර බොහොමයක්ම ආවරණය වන පරිද්දෙන් ක්රියාත්මක වන ශාඛා30කට ආසන්න සංඛ්යාවක් අමානා තකාෆුල් ලයිෆ් ලිමිටඩ් සතුව පවතී. අමානා තකාෆුල් සමාගම නව්ය , වඩාත් පාරිභෝගික පහසුව සහ විශ්වාසනීය බව පෙරදැරිව සැමදෙනාටම විවෘතව පවතින රක්ෂණ සමාගමක් ලෙසින් තම සේවා මෙරට සියලූ සමාජ කාණ්ඩ වෙත ලබාදෙන ප්රමුඛතම රක්ෂණ සමාගමකි.
http://biz.adaderana.lk/
- අමානා තකාෆුල් ලයිෆ් කොටස් ගනුදෙනු 18 දා ඇරඹෙයි
- අමානා තකාෆුල් ලයිෆ් මූලික කොටස් නිකුතුව අනුමතයි
- නිවාස ව්යාපෘති සමාගමකට ඇක්සස් රුපියල් මිලියන 523 ක් ආයෝජනය කරයි
- Randora HOT-Peoples Leasing කොටස් මිලියන 21 ක් රුපියල් 24-25 අතර මිලකට විදේශයට/ඩයලොග් ලාත් සක්රියයි
- කොටස් ගනුදෙනු බද්ද 2016 අප්රේල් 15 වන දින සිට යළි ක්රියාවට නංවන බව කොළඹ කොටස් වෙළෙඳපොළ නිවේදනය කර තිබේ.