- Ethical TraderTop contributor
- Posts : 5568
Join date : 2014-02-28
අයින්ස්ටයින්ගේ 'සතුටේ රහස' වෙන්දේසි වෙයි
Image copyright Getty Images
Image caption අයින්ස්ටයින් විසින් හෝටලය තුළ දී අදාළ සටහන් තබා ඇත්තේ 1921 වසරේ තමන් භෞතික විද්යාව සඳහා වූ නොබෙල් ත්යාගය දිනා ගෙන ඇති බව දැන ගැනීමට ලැබී සුළු මොහොතකට පසුය. (1950 ගත් ඡායාරූපයක්)
ලෝක පූජිත භෞතික විද්යාඥයෙකු වූ ඇල්බට් අයින්ස්ටයින් විසින් ලියන ලද සතුටින් ජීවත් වීමේ උපදේශයක් අඩංගු සටහනක් ජෙරුසෙලමේ පැවති වෙන්දේසියක දී ඩොලර් මිලියන 1.56 මුදලකට අලෙවි විය.
1922 වසරේ ටෝකියෝ නුවර දී තමන් වෙත පැමිණි පණිවුඩකරුවෙකුට සන්තෝසම් මුදලක් වෙනුවට අයින්ස්ටයින් ලබා දී ඇත්තේ ඉහත කී කෙටි සටහනයි.
ඒ වන විට තමන් භෞතික විද්යාව සඳහා වූ නොබෙල් ත්යාගය දිනා ගෙන ඇති බව අයින්ස්ටයින්ට අසන්නට ලැබුණා පමණි.
තමා වෙත පැමිණි පණිවුඩකරුට අයින්ස්ටයින් පවසා ඇත්තේ ඔහු වාසනාවන්තයෙකු නම් යම් දිනක එම සටහනට වටිනාකමක් ලැබෙනු ඇති බවය.
සාර්ථකත්වය හඹා යාමත් ඒ සමග ඇති වන නිරන්තර වෙහෙසකාරීත්වයටත් වඩා , සන්සුන් සහ නිහතමානී ජීවිතයක් විසින් වැඩි සතුටක් ළඟා කරනු ඇත
ඇල්බට් අයින්ස්ටයින්
දීර්ඝ කලක් සිහින දුටු ඉලක්කයක් වෙත ළඟා වීමෙන්ම සතුට ළඟා නොවන බව ඔහු සිය සටහන මගින් අදහස් කර ඇත.
ජර්මනියේ උපත ලද ඇල්බට් අයින්ස්ටයින් දේශන සඳහා ජපානයේ සංචාරයක නිරතව සිටියේය.
ලියුමක් භාර දීම සඳහා සිය කාමරය වෙත පැමිණි පණිවුඩකරුට ලබා දීමට ඔහු අත මුදල් නොවීය.
ඒ වෙනුවට ජර්මන් බසින් ලියන ලද තනි වාක්යයක් සහිත සිය අත්සනින් යුතු සටහනක් ඔහු පණිවුඩකරුට ලබා දී ඇත.
අයින්ස්ටයින් විසින් එම සටහන තබනු ලැබ ඇත්තේ ටෝකියෝ නුවර ඉම්පීරියල් හෝටලයේ ලිපි ද්රව්ය භාවිත කරමිනි.
"සාර්ථකත්වය හඹා යාමත් ඒ සමග ඇති වන නිරන්තර වෙහෙසකාරීත්වයටත් වඩා , සන්සුන් සහ නිහතමානී ජීවිතයක් විසින් වැඩි සතුටක් ළඟා කරනු ඇත" යනුවෙන් එම සටහනේ දැක්වේ.
Image copyright AFP
Image caption ඇස්තමේන්තු මිලට වඩා වැඩි මුදලකට අලෙවි වූ සටහන්
ඒ මොහොතේ අයින්ස්ටයින් තබා ඇති තවත් සටහනක දැක්වෙන්නේ "අධිෂ්ඨානය ඇත්නම් මගකුත් තිබේවි" යනුවෙනි.
එම දෙවෙනි සටහන ඇමරිකානු ඩොලර් 240,000 අලෙවි වූ බව විනර්ස් වෙන්දේසි සමාගම පැවසීය.
ඇස්තමේන්තු මුදලට වඩා ඉතාමත් වැඩි ලංසු මුදලක් සටහන් දෙකටම ලැබුණු බවත් වෙන්දේසි සමාගම සඳහන් කළේය.
ඔවුන් පවසන පරිදි සටහන් අතරින් එකක් මිලට ගෙන ඇත්තේ නම හෙළි කිරීමට අකමැති යුරෝපීයයෙකි.
අලෙවිකරු අයින්ස්ටයින් වෙත පැමිණි පණිවුඩකරුවාගේ බෑණනුවෙකු බව වාර්තා වේ.
ඇල්බට් අයින්ස්ටයින්ගේ ප්රසිද්ධ උපදේශ
අප විසින් ගැටලුව නිර්මාණය කරන ලද අවස්ථාවේ පැවති චින්තන රටාව අනුව යමින් අපට එම ගැටලුවට විසඳුම් දිය නොහැක
බුද්ධිය පිළිබඳ සැබෑ සංඥාව දැනුම නොවේ, පරිකල්පනයයි
ස්වභාවධර්මය විසින් අප වෙත හෙළි කරන ලද දේ වලින් අප තවමත් සියයට එකකින් දාහකින් එකක්වත් දන්නේ නැහැ
ඔබ කදිම ගැහැණු ළමයෙකුට ආලය කරන විට පැයකුත් දැනෙන්නේ තත්ත්පරයක් වගේ. රතු ගිනි අඟුරක් උඩ තත්පරයක් ඉඳ ගත්තොත් ඔබට දැනෙන්නේ පැයක් වගේ. එයයි සාපෙක්ෂතාව
- lanka
- Posts : 624
Join date : 2014-11-26