The Investor Sentiment - Equity and investments forum for Sri Lankans
Search
 
 

Display results as :
 


Rechercher Advanced Search

Latest topics
» Resus Energy වැඩි බලය Trydan Partners යටතට
Yesterday at 6:13 pm by Ethical Trader

» Dividend Announcement
Yesterday at 6:12 pm by Ethical Trader

» Laughter the Best Medicine
Yesterday at 12:00 pm by කිත්සිරි ද සිල්වා

» JINS.N0000 ( Janashakthi Insurance PLC)
Yesterday at 10:06 am by CK

» බුද්ධ භවනා
Thu Feb 22, 2018 2:35 pm by Ethical Trader

» Happy Birthday
Wed Feb 21, 2018 7:28 pm by The Alchemist

» හවුල් ආණ්ඩුව තවදුරටත් පවතින බව පාර්ලිමේන්තුවට දන්වයි
Wed Feb 21, 2018 5:17 pm by Ethical Trader

» ජීවිතය පටන් ගන්නේ 60න්
Wed Feb 21, 2018 3:14 pm by lanka

» EAP ගනුදෙනුවේ සැඟවුණු ගැනුම්කරු හෙළිවෙයි
Wed Feb 21, 2018 2:39 pm by lanka

» මිලියන 4,000 ක අකිලගේ ටැබ් කොන්ත්‍රාත්තුව අබාන්ස්ට
Tue Feb 20, 2018 7:55 pm by nihal123

» Dhananath Fernando wins $ 10,000 for Sri Lanka in Think Tank Shark Tank in Asia
Mon Feb 19, 2018 11:35 am by Ethical Trader

» උදයංග වීරතුංග රැගෙන ඒමට පොලිස් නිලධාරීහු ඩුබායි වෙත
Mon Feb 19, 2018 8:24 am by soileconomy

» ධම්මික පෙරේරා කෝටි 16 ක කාරයක් ගෙනෙයි
Sat Feb 17, 2018 9:31 pm by soileconomy

» ආර්ථික අර්බුදය ඉක්මවා ගිය දේශපාලන අර්බුදය හමුවේ 'රුපියල'
Fri Feb 16, 2018 7:00 pm by Ethical Trader

» SAMP.N0000 (SAMPATH BANK PLC)
Fri Feb 16, 2018 2:18 pm by Ethical Trader

» APLA.N0000 (ACL PLASTICS PLC)
Fri Feb 16, 2018 11:12 am by pjrngroup

» විගණකාධිපතිගේ 2016 වාර්තාව මෙන්න
Tue Feb 13, 2018 12:31 pm by Ethical Trader

» Boost for foreign investment in Govt. securities
Thu Feb 08, 2018 12:45 pm by Ethical Trader

» අනිලානා පුද්ගලික නිකුතුවට කොටස්කරුවන්ගේ සහාය පතයි
Thu Feb 08, 2018 9:28 am by The Invisible

» CCS.N0000 ( Ceylon Cold Stores)
Wed Feb 07, 2018 7:39 pm by Ethical Trader

» ලෝක ආර්ථිකය කඩා වැටෙද්දී එහි බලපෑම කොළඹට දැනුන හැටි
Tue Feb 06, 2018 11:13 pm by nihal123

» තෙල් මිලේ වැඩිවීමෙන් ගුවන් ටිකට් මිල නගී
Tue Feb 06, 2018 11:04 pm by Ethical Trader

» ජනාධිපති පරීක්ෂණ කොමිෂන් සභාවෙන් ලද, සිංහල භාෂාමය වාර්තා තිස් හතර (34)
Tue Feb 06, 2018 11:04 pm by Ethical Trader

» විල්පත්තු "වන විනාශය": පෙත්සම සලකා බැලීමට අධිකරණයේ අවසර
Mon Feb 05, 2018 9:10 pm by nihal123

» බැඳුම්කරය: ඇලෝසියස් සහ පළිසේන අත්අඩංගුවට
Mon Feb 05, 2018 9:08 pm by nihal123

» TPL.N0000 (TALAWAKALE PLANTATIONS )
Sat Feb 03, 2018 1:02 pm by bear

» ජනශක්ති ගනුදෙනුව තීන්දුයි. වටිනාකම රුපියල් බිලියන 16 යි
Fri Feb 02, 2018 7:57 pm by nihal123

» කොළඹ කොටස් අසාමූහිකරණ පනත පාර්ලිමේන්තුවට
Fri Feb 02, 2018 5:42 pm by Ethical Trader

» BBC කණ්ඩායමක් තාලිබාන් පාලන කලාපයකට ඇතුල් වෙති
Thu Feb 01, 2018 5:05 pm by Ethical Trader

» වර්ෂ 152 කට පසු දර්ශනය වන 'සුපිරි නීල රුහිරු සඳ'
Thu Feb 01, 2018 4:58 pm by Ethical Trader

» ලංකා බැංකුවට අයත් ජනශක්ති හිමිකම විකුණයි
Thu Feb 01, 2018 4:54 pm by Ethical Trader

» අයවැය ක්‍රියාත්මක කිරීමේ දී පාර්ලිමේන්තුවේ අධීක්ෂණය දුර්වලයි
Thu Feb 01, 2018 4:52 pm by Ethical Trader

» ජනපති හා ADB අධ්‍යක්ෂ මණ්ඩල සාමාජිකයින් අතර හමුවක්
Thu Feb 01, 2018 4:51 pm by Ethical Trader

» තවත් කොටස් තැරැව්කාර සමාගමක් වසා දමයි
Thu Feb 01, 2018 4:50 pm by Ethical Trader

» ජනපතිගේ රැලිය ආවරණය කිරීමට ගිය මාධ්‍යවේදීන්ට "තර්ජන"
Wed Jan 31, 2018 6:59 pm by soileconomy

» Bank of Ceylon divests stake in Janashakthi Insurance
Tue Jan 30, 2018 3:58 pm by TraderCSE

» වෛද්‍ය වර්ජනය: රජයේ වෛද්‍ය නිලධාරීන්ගේ සංගමයේ ඉල්ලීම් මොනවාද?
Mon Jan 29, 2018 6:36 pm by Ethical Trader

» නිවුන් අලි උපත්: මේ කරුණු දැන සිටියාද?
Mon Jan 29, 2018 12:14 pm by Ethical Trader

» Perpetual Treasuries
Mon Jan 29, 2018 7:43 am by Danidu

» කලා කෘතියක් ඉල්ලූ ජනාධිපති ට්‍රම්ප් වෙත 'රන් වැසිකිලියක්' - වාර්තා
Sat Jan 27, 2018 6:37 pm by Ethical Trader

» TJL.N0000 (Textured Jersey Lanka PLC.)
Fri Jan 26, 2018 6:32 pm by Ethical Trader

» සේවා ස්ථානයේ අරියාදු සහ අඩන්තේට්ටම් : 'බුලි' වුණොත් මොකද කරන්නේ?
Thu Jan 25, 2018 5:02 pm by Ethical Trader

» RULES ON ALL OR NONE (AON) BLOCKS
Thu Jan 25, 2018 4:55 pm by Ethical Trader

» Time is of essence in dealing with dengue:Expert, Recent deaths could be due to patients "coming in late" for treatment
Thu Jan 25, 2018 2:08 pm by AjithR

» නියම බුදු දහම
Thu Jan 25, 2018 12:42 pm by Ethical Trader

» "දූෂණය" ගැන මහින්ද රාජපක්ෂට නඩු පවරන්න - ජනාධිපති කොමිසම
Wed Jan 24, 2018 7:04 pm by Ethical Trader

» හිඟයක් වැළැක්වීමට ලේ දන් දෙන්න: ජනතාව වෙත ඉල්ලීමක්
Tue Jan 23, 2018 7:12 pm by Ethical Trader

» බලාගෙනයි, 'ගුවනින් අසූචි'!
Tue Jan 23, 2018 7:10 pm by Ethical Trader

» සිව් හෙලයේ ඉතිහාසය නිවැරදි කිරීම
Tue Jan 23, 2018 11:51 am by Ethical Trader

» ප්‍රගීත් එක්නැලිගොඩ: "ෆයිල් අතුරුදහන්වීම" ගැන සන්ධ්‍යා හමුදාපතිට කිවූ දේ
Thu Jan 18, 2018 12:13 pm by Ethical Trader

February 2018
SunMonTueWedThuFriSat
    123
45678910
11121314151617
18192021222324
25262728   

Calendar Calendar

Disclaimer


Information posted in this forum are entirely of the respective members' personal views. The views posted on this open online forum of contributors do not constitute a recommendation buy or sell. The site nor the connected parties will be responsible for the posts posted on the forum and will take best possible action to remove any unlawful or inappropriate posts.
All rights to articles of value authored by members posted on the forum belong to the respective authors. Re-using without the consent of the authors is prohibited. Due credit with links to original source should be given when quoting content from the forum.
This is an educational portal and not one that gives recommendations. Please obtain investment advises from a Registered Investment Advisor through a stock broker

35 වසරක එජාප දේශපාලන ජීවිතය ගැන අස්ස අත්තනායක, රනිල්ට කඳුළින් ලියූ ලිපිය මෙන්න

Go down

35 වසරක එජාප දේශපාලන ජීවිතය ගැන අස්ස අත්තනායක, රනිල්ට කඳුළින් ලියූ ලිපිය මෙන්න

Post by WARREN BSL on Mon Dec 08, 2014 7:01 pm

2014 දෙසැම්බර්08 දින
එක්සත් ජාතික පක්ෂයේ නායක,
ගරු රනිල් වික්‍රමසිංහ මැතිතුමා
අංක 400
‘සිරිකොත’
කෝට්ටේපාර
පිටකෝට්ටේ.

ගරු නායකතුමනි,
පක්ෂ මහ ලේකම් ධුරයෙන් ඉල්ලා අස්වීම පිළිබඳව

මෙවැනි ලිපියක් මාගේ දේශපාලන ජීවිතය තුළ කිසිදිනක ලියන්නට සිදුවේයැයි මොහොතකටවත් නොසිතුවෙමි. රනිල්-සජිත් සමගිය ගොඩ නැගීමෙන් පසු ඊට එරෙහිව මෑත කාලයේ පක්ෂය තුළ ගොඩ නැගුණු මලික්-රවී-මංගල කුමන්ත්‍රණ කල්ලිය විසින් පක්ෂයට සහ පාක්ෂිකයාට සිදු කරන විනාශයත්, පක්ෂය සමගි කළ මට එම කල්ලිය විසින් නොනවත්වා කරන දේශපාලන කෙනෙහිළි කමුත්,මාගේ දේශපාලන ගමන අඩාල කරවන අරමුණින් සිදු කරන පිහි ඇනුම් සහ මෑතකදී ගොඩ නැඟූ දේශපාලන සන්ධානය ගැන පක්ෂය වෙනුවෙන් තීරණ ගැනීමේ දී පක්ෂ මහලේකම් ලෙස මා දැනුවත් කිරීමක් පවා නොකොට, මාගේ හෝ පාක්ෂික බහුතරයේ මතය අබමල් රේණුවක් තරමටවත් නොසලකා කරගෙන යන අත්තනෝමතික වැඩපිළිවෙළත් විසින් හෘදය සාක්ෂියට එකඟව වැඩ කළ නොහැකි, සිත් කළකිරවන තත්ත්වයට මා පත් කර,වේදනාකාරී මෙම දේශපාලන තීන්දුව ගැනීමේ තැනට මා තල්ලු කරවන ලද බව අන් කවරෙකුටවත් වඩා ඔබතුමාගේ හෘදය සාක්ෂි දරනවා ඇත.

මා දේශපාලන ජීවිතය ආරම්භ කළේ මීට වසර 35 කට පෙර, එනම්1981 දී, කැලණිය විශ්ව විද්‍යාලයේ ශිෂ්‍යයෙකු ලෙස එක්සත් ජාතික පක්ෂයේ සමවාදී ශිෂ්‍ය පෙරමුණෙනි. එහි සභාපතිවරයා වශයෙන් පක්ෂ මූලස්ථානයේ පූර්ණ කාලීනව සේවය කරමින් ආරම්භ කළ එම දේශපාලන ගමන නොයෙක් අභියෝගවලට මුහුණ දෙමින්, පක්ෂයේ මහ ලේකම්වරයා දක්වා මා පැමිණියේ මාගේ දැඩි කැපවීම සහ දක්ෂතාව මත විනා කිසිවෙකුගේ හිතවත්කම් වලට ලැබුණු වරප්‍රසාද මත නොවේ.

වසර1989 දී රට තුළ එජාප පාක්ෂිකයන්ට එරෙහි දැඩි භීෂණයක් පැවති වකවානුවක, දිවංගත රණසිංහ ප්‍රේමදාස ජනාධිපතිතුමාගේ මග පෙන්වීම මත මා මහනුවර දිස්ත්‍රික්කයෙන් තරග කොට පාර්ලිමේන්තුවට තේරී පත් වූ අතර එතැන් සිට අද දක්වා නොකඩවා වසර25 ක් තිස්සේ ඉතා ක්‍රියාශීලී පාර්ලිමේන්තු මන්ත්‍රීවරයෙකු ලෙස කටයුතු කරමි.1993 දීඋසස් අධ්‍යාපන අමාත්‍යවරයා ලෙස දිවංගත ඩී. බී. විජේතුංග ජනාධිපතිතුමා විසින් මා පත්කරන ලද අතර 1994 දී ශ්‍රී ලංකා නිදහස් පක්ෂයේ සිට අප පක්ෂයට පැමිණි අනුර බණ්ඩාරනායක මැතිතුමාව උසස් අධ්‍යාපන අමාත්‍යවරයා ලෙස පත් කිරීමට ඉඩ කඩ ලබා දී විශ්ව විද්‍යාල කටයුතු පිළිබඳ අමාත්‍යවරයා ලෙස අනතුරුව වගකීම භාර ගතිමි.පසුව2001 වසරේ දී අප පක්ෂය බලයට පැමිණි විට ඔබතුමාගේ නායකත්වය යටතේ මධ්‍යම පළාත් සංවර්ධන අමාත්‍යවරයා ලෙස ක්‍රියා කළෙමි.

මෙසේ පැමිණි දේශපාලන ගමනේ දී පක්ෂය වෙනුවෙන් හිරේ විලංගුවේ පවා වැටීමට මට සිදු විය. 2000 වසරේ පැවති මැතිවරණයේ දී එවකට තිබූ ආණ්ඩුව විසින් මහනුවර දිස්ත්‍රික්කයේ අප පක්ෂ කටයුතු අඩපණ කිරීමට මා සිරගත කළ අතර එම මැතිවරණය මෙහෙයවීමට මට සිදුවූයේ බෝගම්බර සිර ගෙදර සිට පක්ෂය වෙනුවෙන් දුක් විඳිමිනි. පසුව මා නිදහස් වූ අතර එවකට පැවති ආණ්ඩුවෙන් මාහට සිදු කළ දේශපාලන හිරිහැර සහ අසාධාරණයට එරෙහිව විරෝධය පාමින් මාගේ සංකල්පයක් මත ගාමිණී අතුකෝරළ උපනායකතුමාගේ මූලිකත්වයෙන් එදා මහනුවර සිට කොළඹ දක්වා දියත් කළ ‘ජනබල මෙහෙයුම’ පා ගමන පසුව 2001 වසරේදී අප පක්ෂය බලයට පැමිණීමට දැඩි දායකත්වය ලබාදුන් ප්‍රධාන දේශපාලන ක්‍රියාකාරකම බවට පත්විය. එහි දී එම මෙහෙයුම ‘ජනබල මෙහෙයුම’ ලෙස නම් කළේ මා විසින් බව අද සිහිපත් කරනුයේ නිහතමානී සතුටකිනි. අනතුරුව එවකට පැවති ආණ්ඩුව දුර්වල වන තෙක් රට පුරා ‘ජනබල මෙහෙයුම්’ අප සංවිධානය කළ අතර පක්ෂයේ උප නායක ගාමිණී අතුකෝරළ මැතිතුමාගේ ප්‍රධානත්වයෙන් පාර්ලිමේන්තු මන්ත්‍රීවරුන් වූ ගාමිණී ජයවික්‍රම පෙරේරා, ගාමිණී ලොකුගේ, ලක්ෂ්මන් සෙනෙවිරත්න සහ රවී සමරවීර යන අය මා සමග එක්ව එම දේශපාලන මෙහෙයුම් සංවිධානය කිරීමට මූලිකත්වය ගන්නා ලදී.

ජනබල මෙහෙයුම හරහා දියත් කළ එම දේශපාලන සටන් කෙළවර වූයේ ආණ්ඩු බලය එක්සත් ජාතික පක්ෂය නායකත්වය ලබා දුන් එක්සත් ජාතික පෙරමුණු ආණ්ඩුවට ලබා ගැනීමෙනි. ඒ පැමිණි ගමනේ දී අප පාක්ෂිකයා දැඩි කැප කිරීමක් කළ නමුත් එදා ආණ්ඩුවෙන් අප පාක්ෂිකයාට ප්‍රමාණවත් සාධාරණයක් ඉෂ්ඨ නොවූ බව කණගාටුවෙන් වුවද සඳහන් කළ යුතුව ඇත. එදා ලබාගත් ආණ්ඩු බලය එවකට ඇමැති මණ්ඩලයේ සිටි රාජිත සේනාරත්න සහ රවී කරුණානායක ඇමතිවරුන්ගේ අනුවණ සහ අදූරදර්ශී හැසිරීම් නිසා අපට අහිමි වූ අතර ඒ බවට මාගේ සමකාලීන අමාත්‍ය මණ්ඩල සාමාජිකයන් වන ආනන්ද කුලරත්න සහ ඉමිටියාස් බාකීර් මාකර් මැතිතුමන් ලා වුවද සාක්ෂි දරනු ඇත. මාධ්‍යවේදී වික්ටර් අයිවන් මහතා මේ ගැන එතුමාගේ කෘතියක ඉතා යථාර්තවාදී විග්‍රහයක් කරඇති බව පසුකලෙක මම දුටුවෙමි.

කෙසේ වෙතත්2004 දී අපට ආණ්ඩුබලය අහිමි වූ අතර 2005 වසරේදී මා නැවත දෙවිනුවර සිට කොළඹ දක්වා පා ගමනක් ඉතා සාර්ථකව සංවිධානය කළෙමි. එහෙත් පැවති මැතිවරණ වලින් අප පරාජය වූ අතර මා පක්ෂයේ මහ ලේකම්වරයා ලෙස 2006 වසරේ දී වගකීම් භාර ගත්තේ පක්ෂය පරාජයේ මානසිකත්වයෙන් බිඳ වැටී, බෙදී වෙන් වී අර්බුදයකට පත්ව තිබූ මොහොතකය.එහෙත් බෙදී වෙන්වී සිටි පක්ෂය අවසානයේ 2014 වසර වන විට රනිල්-සජිත් එකමුතුවෙන් ශක්තිමත් කිරීමට මූලිකත්වය ලබා දීමට මට හැකිවූ බව සිහිපත් කරනුයේ ඉතා සතුටිනි.

රනිල්-සජිත් එකමුතුව ඇති කරන්නට පදනම් වූයේ කොළඹ, ගලදාරී හෝටලයේ පැවති රැස්වීමක දී පක්ෂයේ උපායමාර්ගික සැලසුම් කමිටුව (Strategic Planning Committee) වෙත මා ඉදිරිපත් කළ අදහසකට අනුව ගත් තීරණයකි. එහිදී පක්ෂයේ අභ්‍යන්තර සමගිය ශක්තිමත් කර, සජිත් ප්‍රේමදාස මහතා නියෝජ්‍ය නායකත්වයට පත් කිරීමටත්, ජනමාධ්‍යය සහයෝගය ජනාධිපතිවරණය ජයගැනීමට අත්‍යවශ්‍ය බැවින් එම සහාය ලබා ගැනීම සඳහා ක්‍රියා කිරීමටත් මා විසින් එම කමිටුවට යෝජනා කරන ලදී. ඒ අනුව රනිල්-සජිත් සමගිය ගොඩ නැංවීම සඳහා ඔබතුමාගේ පූර්ණ අනුමැතිය ඇතිව මම මුලපුරා, කොතරම් බාධක පැමිණියත් එය සාර්ථක කරගන්නට ක්‍රියා කළෙමි.

රනිල්-සජිත් එකමුතුව ගැන සමස්ත පාක්ෂිකයා සමග මට සතුටුවන්නට පුළුවන් වුවද ඒ ගැන අසතුටින් සහ ඊර්ෂ්‍යාවෙන් බලන පිරිසකගේ කඳවුරක් අප පක්ෂය තුළ ඇත. රවී කරුණානායක සහ මංගල සමරවීර මන්ත්‍රීවරුන් රනිල්-සජිත් එකමුතුවට දැඩි සේ විරුද්ධ බව රහසක් නොවේ.මාගේ පෞද්ගලික මතය නම් ඒ වෙන කිසිවක් නිසා නොව රනිල්-සජිත් එකමුතුව නිසා මලික්-රවී-මංගල කණ්ඩායමේ ආත්මාර්ථකාමී දේශපාලන න්‍යාය පත්‍රය අවුල් වී ගිය බැවිනි.ඒ නිසා ඔවුන් සෘජුව සහ වක්‍රව ඔවුන්ට සම්බන්ධකම් ඇති වෙබ් මාධ්‍ය පවායොදා ගනිමින් රනිල්-සජිත් එකමුතුවට පාර කැපූ මට නිර්දය ලෙස පහර ගසන්නට පටන් ගත්තේය.කොටින්ම කිවහොත් දින කීපයකට පෙර (දෙසැම්බර්6) මා සංවිධානය කළ පක්ෂ විශේෂ මහ සමුළුවට මැර පිරිස් ගෙනැවිත් මා කතා කරන විට ‘හූ’ කියවන්නට රවී කරුණානායක මහතා කුමන්ත්‍රණය කළ බව දැන් රහසක් නොවේ. ඒ බවට ඔබතුමාගේ ආරක්ෂක අංශ පවා සාක්ෂි දරනු ඇත. එහෙත් පාක්ෂිකයා ඒ කුමන්ත්‍රණ සාර්ථකව පරාජය කළේය. එසේ නොවන්නට එදා සම්මේලනය එම කුමන්ත්‍රණය නිසා අපවිත්‍රවන්නට ඉඩ තිබිණ.කෙසේ වෙතත්, රනිල්-සජිත් එකමුතුව ගැන සමස්ත පාක්ෂිකයා තුළ ඇති සතුට දැක මම අද සතුටු වෙමි. මේ සියල්ල ගැන සජිත් ප්‍රේමදාස මැතිතුමා සාක්ෂි දරනු ඇති බවට මම විශ්වාස කරමි.

ආණ්ඩු බලය ගැනීමට වෙනත් දේශපාලන පක්ෂ සමග සන්ධානයක් ගොඩ නැඟීමේ අදහසට කිසිවිටක මා විරුද්ධ වූයේ නැත. එහෙත් මා දිගින් දිගටම විරුද්ධ වූයේ එකී සන්ධානය මගින් එක්සත් ජාතික පක්ෂයෙන් මබතුමා හෝ සජිත් ප්‍රේමදාස මැතිතුමා ජනාධිපති අපේක්ෂකයා ලෙස ඉදිරිපත් නොකොට, වෙනත් කණ්ඩායමකින් අපේක්ෂයකු ඉදිරිපත් කිරීමේ අදහසටය.එයට හේතු වන්නේ එසේ වෙනත් අයෙකු ඉදිරිපත් කිරීම මෙතෙක් දේශපාලන සන්ධාන ගොඩනැගීමේ මූලික සම්ප්‍රදායට සහමුලින් පටහැණි වීමත්, මෙම සන්ධානය මගින් එයට සියයට 80 කට අධික ජන පදනමක් සපයන, ඡන්ද සටනේ දර-දිය අදින එක්සත් ජාතික පක්ෂයේ සහ පාක්ෂිකයාගේ අපේක්ෂා ඉටු නොවන බවට පැහැදිලිව මට කරුණු පෙනීයාමත් ය. නායකතුමනි, මෑත ඉතිහාසය තුළ ගොඩ නැඟූ දේශපාලන සන්ධාන සියල්ලේම මැතිවරණ අපේක්ෂකත්වය ලැබුණේ එම සන්ධානවල ප්‍රධාන දේශපාලන පක්ෂයටයි.1970 වසරේදී සමගි පෙරමුණේ නායකත්වය දැරුවේ එහි ප්‍රධාන කොටස්කාරයා වූ ශ්‍රී ලංකා නිදහස් පක්ෂයේ නායිකාවයි. එසේම 1994 වසරේ පොදු ජන එක්සත් පෙරමුණේ නායකත්වය හිමිවුණේ ප්‍රධාන පක්ෂය වූ ශ්‍රී ලංකා නිදහස් පක්ෂයේ නායිකාවටයි. 2001 වසරේ එක්සත් ජාතික පෙරමුණේ නායකත්වය හිමි වූයේ එහි ප්‍රධාන පක්ෂය වූ එක්සත් ජාතික පක්ෂයේ නායකත්වයටයි.2005 වසරේ එක්සත් ජනතා නිදහස් සන්ධානයේ නායකත්වය හිමි වුයේ ශ්‍රී ලංකා නිදහස් පක්ෂයටයි. එහෙත් මෙවර එම සම්ප්‍රදාය කුමන්ත්‍රණකාරී ලෙස බිඳ හෙළමින්,මෙම සන්ධානයේ ප්‍රධාන දේශපාලන පක්ෂය වූ එක්සත් ජාතික පක්ෂයට ජනාධිපතිවරණයේ පොදු අපේක්ෂකත්වය ලැබුණේ නැත. එමගින් මෙම සම්ප්‍රදායට පදනම් වූ ඡන්දය මෙහෙයවන ප්‍රධාන පක්ෂයට සහ පාක්ෂිකයාට ප්‍රතිලාභ ලැබීමේ ප්‍රමුඛතාව හිමිවන තීරණාත්මක බලය අප පක්ෂයට දැන් අහිමි වී තිබේ. කෙසේවතත්, අවසානයේ මෛත්‍රීපාල සිරිසේන මහතා ජනාධිපති අපේක්ෂකයා ලෙස අප ඇතිකර ගත් සන්ධානයෙන් ඉදිරිපත් කරන්නට එක්සත් ජාතික පක්ෂ කෘත්‍යාධිකාරී මණ්ඩලය විසින් අනුමැතිය ලබා දෙන ලදී. ඒ අප ඇතිකර ගන්නා සන්ධානයේ ජයග්‍රහණය තහවුරු කර, අප පක්ෂයේ සහ පාක්ෂිකයාගේ අපේක්ෂා ආරක්ෂා කරන කොන්දේසි තුනකට යටත්වය. පළමුවැන්න, ජනාධිපතිවරයා ලෙස මෛත්‍රීපාල සිරිසේන මහතා පත් වූ පසු අග්‍රාමාත්‍යධුරය ඔබතුමාට ලබා දීමට සිරිසේන මහතාගේ පාර්ශවයෙන් ලබා දුන් ප්‍රතිඥාව සහතික කර ගැනීමට අවශ්‍ය පියවර ගෙන, ජනාධිපති ධුරයේ ඇති විධායක බලතල පැය 24 ක් ඇතුළත අගමැති ප්‍රමුඛ අමාත්‍ය මණ්ඩලයට පැවරීමය. දෙවැන්න, මෛත්‍රීපාල සිරිසේන මහතා විසින් ඔහුගේ පාර්ශවයේ මැදිහත්වීමෙන් ආණ්ඩුවෙන් 20 ක්– 25 ක් අතර පිරිසක් විපක්ෂයට ගෙන එමෙන් පසුව පමණක් ජනාධිපති පොදු අපේක්ෂකයා ලෙස සිරිසේන මහතාව නම් කිරීමයි. තුන්වැන්න, ජනාධිපතිවරයා ලෙස මෛත්‍රීපාල සිරිසේන මහතා පත් වී දින 100 ක් තුළ ව්‍යවස්ථාව සම්පූර්ණයෙන්ම සංශෝධනය කර, විධායක ජනාධිපති ක්‍රමය අහෝසි කර, ප්‍රජාතන්ත්‍රවාදය සහතික කිරීම ගැන ගන්නා ක්‍රියාමාර්ග සම්බන්ධයෙන් එම කණ්ඩායමෙන් සහතිකයක් ලබාගැනීමයි.

එහෙත්, මේ දක්වාම මෛත්‍රීපාල සිරිසේන මහතාගේ පාර්ශවයෙන් මේ කිසිදු කොන්දේසියක් සම්පූර්ණ කර නොමැත. එසේ නොමැතිව, ජනාධිපති අපේක්ෂකත්වය මෛත්‍රීපාල සිරිසේන මහතා ට ලබාදී ඇති අතර ඔහුගේ කණ්ඩායම එක්සත් ජාතික පාක්ෂිකයාගේ කරපිටින් බලයට එන්නට දැන් සූදානම් වී සිටී. එහෙත්, මෛත්‍රීපාල සිරිසේන මහතා බලයට පැමිණියහොත් එක්සත් ජාතික පක්ෂයට හෝ පාක්ෂිකයාට යුක්තිය හෝ සාධාරණත්වය ඉටුවන්නේ ද යන්න ගැන මට ඇත්තේ දැඩි අවිශ්වාසයකි.ඊයේ(07)ඉරිදා ලංකාදීප ප්‍රධාන පුවත මේ පිළිබඳව මා තුළ තිබෙන සාධාරණ සැකය තවත් තහවුරු කරයි. එම පුවතින් හෙළි කරන්නේ ජනාධිපතිවරණයට පසු මෛත්‍රීපාල සිරිසේන මහතා සහ චම්පික රණවක මහතා එක්ව නව දේශපාලන පක්ෂයක් පිහිටුවා ගැනීමට සැලසුම් කර ඇති බවයි. වෙනත් වචනයෙන් කියනවා නම් ඔවුන්ගේ සැලැස්ම වන්නේ එක්සත් ජාතික පාක්ෂිකයාගේ ලෙයින්, කඳුළින් සහ දහඩියෙන් මෙවර ජනාධිපතිවරණය දිනාගෙන,වෙනත් පක්ෂයක් සාදා, අප පාක්ෂිකයාට පයින් ගැසීමයි. මෙය ඉතා කණගාටුදායක තත්ත්වයක් බව ඔබතුමාට අමුතුවෙන් අවධාරණය කළ යුතු නැති බව මම දනිමි.

අනෙක් අතට මෛත්‍රීපාල සිරිසේන මහතා විපක්ෂයට පැමිණීමෙන් පසු එක්සත් ජාතික පක්ෂයේ මහ ලේකම්වරයා ලෙස මා මුණ ගැසී, අඩුම තරමේ සම්ප්‍රදාය ගරු කිරීමටවත් මා සමග කතා බහ කර නොමැත. ඒ වෙන කිසිවක් නිසා නොව මෛත්‍රීපාල සිරිසේන මහතාව රූකඩයක් මෙන් නටවන මලික්-රවී-මංගල කල්ලියේ බලපෑම නිසා බව මම හොඳින් දනිමි.

එහෙත් හිත හදාගෙන පක්ෂයේ කටයුතු කර ගෙන යන්නට පසුගිය සති කිහිපයේ මා කිහිප විටක්ම උත්සාහ කළද,මලික්-රවී-මංගල කල්ලියෙන් මට ඒ සඳහා ඉඩක් ලබා දුන්නේම නැත.මීටදින කීපයකට පෙර (දෙසැම්බර්6) මා සංවිධානය කළ පක්ෂ විශේෂ මහ සමුළුවට මැර පිරිස් ගෙනැවිත් මා කතා කරන විට ‘හූ’ කියවන්නට රවී කරුණානායක මහතා කළකුමන්ත්‍රණය ඔවුන්ගේ කුමන්ත්‍රණකාරී ක්‍රියාවන්ගෙන් එකක් පමණකි.ඊට අමතරව එම කල්ලියට හිතවත් වෙබ් අඩවි ඔස්සේ ‘තිස්ස අත්තනායක රුපියල් මිලියන500 කට ආණ්ඩුවට අළෙවි වන බවට’ මඩ ප්‍රචාර පසුගිය සති කීපය පුරාම ගෙන ගියේය. මගේ හෘදය සාක්ෂිය මුදලට මිලදී ගත නොහැකි බව මම දැඩි අවධාරණයෙන් කියා සිටිමි. මුදලට රටම පාවා දෙන ගනු දෙනු ගැන චෝදනා ඇත්තේ මට නොව රවී කරුණානායක මහතාට එරෙහිවය.

L.T.T.E. සංවිධානයට සම්බන්ධ බවට චෝදනා ලත් ඇමෙරිකාවේ රාජ් රාජරත්නම් ගෙන් මේ රටේ විනිමය රෙගුලාසි උල්ලංඝණය කර ඩොලර් කෝටි ගණන් මුදල් ගෙන්වා ගැනීම ගැන අධිකරණයේ නඩුවක් පවතින්නේ මට එරෙහිව නොව රවී කරුණානායක මහතාට එරෙහිවය. එසේමL.T.T.E යට එරෙහි යුද්ධය පැවති සමයේ රණ විරුවන්ගේ ජයග්‍රහණ හෑල්ලුකරමින්, මුළු එක්සත් ජාතික පක්ෂයම ජනතාවගෙන් කොන් කරවන “කිලිනොච්චි ගියා කියා මැදවච්චි යනවා, අලිමංකඩ ගියා කියා පාමංකඩ යනවා” වැනි පක්ෂයත්, රටත් පාවා දෙන ප්‍රකාශ රවී කරුණානායක මහතා කළේ කාගේ මුදලට යට වී දැයි ඔහුගෙන් අමුතුවෙන් ප්‍රශ්න නොකරම කාටත්තේරුම් ගත හැකිය.එපමණකින් නොනැවතී, අප පක්ෂය දුර්වල කරමින්,ආණ්ඩුවට තුනෙන් දෙකේ බලය ලබා දෙමින්,අප පක්ෂයෙන් 17 දෙනෙකු ආණ්ඩුවට පළවා හැරීමේ කුමන්ත්‍රණය පිටුපස සිටින්නේද රවී කරුණානායක මහතා බව මේ මොහොතේ මම එළිපිටම ප්‍රකාශ කරමි. ඔහු එසේ කළේ ජ්‍යෙෂ්ඨත්වය සහ බලය පක්ෂය තුළ තහවුරු කර ගැනීමේ ඔහුගේ ආත්මාර්ථකාමී දේශපාලන අරමුණ ඉටු කර ගැනීම පිණිසයි. දැන්රවී කරුණානායක මහතාගේ අරමුණක් වන්නේ ඔහුට හිතවත් කොට්ඨාස සංවිධායකයින් පත් කරවා ගැනීමයි. මෙවර විශේෂ මහ සම්මේලනයේ දී ඔහු ප්‍රකාශ කළේ “ජනාධිපතිවරණයෙන් ආසන පරදින සෑම කොට්ඨාස සංවිධායකවරයෙකුවම වහාම ඉවත් කරන බවයි”.පළමුව, ඔහුට එවැනි බලයක් දුන්නේ කවුදැයි නොදනිමි.දෙවනුව, මේ රටේ සමහර ආසන අප පක්ෂයට වාසිදායක වන අතර තවත් සමහර ආසන අප පක්ෂයට වාසිදායක නැත. එහෙත් අපට ඒ හැම සංවිධායකයෙකුම අත්‍යවශ්‍ය වේ.

නායකතුමනි, මලික්-රවී-මංගල කල්ලියේ ගොදුරක් බවට අද මා පත්වුණා පමණක් නොව, ඔබතුමාද ඔවුන්ගේ සිරකරුවෙකු බවට පත්කර හමාරය.පසුගිය කාලසීමාව තුළ පක්ෂයේ තීරණාත්මක තීන්දු, තීරණ කිසිවක් පිළිබඳව පක්ෂ මහ ලේකම්වරයා ලෙස මා දැනුවත් කර නැත. ඒ පිළිබඳව මට ඇත්තේ බලවත් කණගාටුවකි. අඩුම තරමේ පසුගිය දා අත්සන් කරන්නට යෙදුණු අවබෝධතා ගිවිසුම තවමත් මට පෙන්වා නැත. එමෙන්ම, පිහිටුවන්නට යෝජිත සර්ව පාක්ෂික ආණ්ඩුවේ ව්‍යුහය හෝ වරින් වර ඇතිකර ගත් විවිධ අභ්‍යන්තර එකඟතා සහ ගිවිසුම් පිළිබඳව තවමත් මා දැනුවත් කර නොමැත. එසේ කිරීමට හේතුව ලෙස මට පෙනී යන්නේ එකී එකඟතා සහ ගිවිසුම් මගින් එක්සත් ජාතික පක්ෂයට සහ පාක්ෂිකයාට යුක්තිය ඉටු නොවන හෝ අවාසිදායක හෝ වන කාරණා වලදී පක්ෂයේ මහලේකම් ලෙස මා අනිවාර්යයෙන්ම මතු කරන විරෝධතාව වළක්වා ගැනීමයි.මලික්-රවී-මංගල කල්ලිය විසින් එදා සිට පක්ෂය නොයෙක් අභියෝග වලින් ආරක්ෂා කිරීමට කැප වූ අප සියලු දෙනාවම යටපත් කරන දේශපාලන පරිසරයක් පක්ෂ අභ්‍යන්තරය තුළ දැන්ගොඩ නඟමින්සිටී. ඔබතුමා විසින්ම මා හට ප්‍රකාශ කළ පරිදි, මෙම ගොඩනැගෙන නව සන්ධානය විසින් ඔබතුමාව “බිත්තියට හේත්තු කර අවසන්ය”. මෙවැනි වාතාවරණයක් තුළ පක්ෂ මහ ලේකම් ධුරයේ වගකීම සහ කාර්යභාරය තව දුරටත් මට මගේ හෘදය සාක්ෂියට අනුකූලව ඉටු කළ නොහැකි බව මට මෙන්ම ඔබතුමාටද සක් සුදක් සේ පැහැදිලි වනු ඇතැයි මම විශ්වාස කරමි.

එපමණක් නොව දිගින් දිගටම මහ ලේකම් ධුරයෙන් පළ නොකියා පලා බෙදන තත්ත්වයකට පසුගිය කාලය පුරාම මා මුහුණ දුන් බව වේදනාවෙන් සඳහන් කරමි. වරින් වර මහලේකම් ලෙස මා වෙත තිබූ පරිපාලන බලය විවිධ පුද්ගලයන්ට බෙදාදෙමින්, මා දුර්වල කරන වැඩපිළිවෙළක් කාලයක් තිස්සේ සිට දියත්වෙමින් තිබුණි.මා තුළ එයින් උපන් කළකිරීම මා නිහඬව විඳදරා ගත්තා මිස පක්ෂයට හානිවන කිසිවක් නොකීවෙමි, නොකළෙමි.කෙසේ වෙතත්,මා හට මහ ලේකම් ලෙස පැවරී තිබූ සංවිධාන වගකීම ඉෂ්ඨ කර, එක්සත් ජාතික පක්ෂය ශක්තිමත් කරන්නට මම නොයෙක්වර උත්සාහ කළෙමි. අවසානයේ මාගේ සංකල්පයක් අනුව, ඔබතුමාගේ ද අනුමැතිය ඇතිව රට පුරා ඡන්ද මධ්‍යස්ථාන සංවිධායකයන් 12, 500 පත් කර, මැතිවරණය මෙහෙයවන්නට සමත් යාන්ත්‍රණයක් මා ගොඩ නැගූ අතර එහි කල එළි දැක්ම නොයෙක් බාධා කිරීම් සහ කකුළෙන් ඇදීම් මැද ‘නියමුවෝ අපි’ නමින් කොළඹ හයිඩ් පාක් පිටියේ දී ඉතා සාර්ථකව මා විසින් ඉකුත් ඔක්තෝබර් 28 දින සංවිධානය කරන ලදී. එහි සාර්ථකත්වය අවංකව, ප්‍රසිද්ධියේ අගය කළේ නියෝජ්‍ය නායක සජිත් ප්‍රේමදාස මැතිතුමා පමණකි. ‘නියමුවෝ අපි’සංවිධානයේ සහ රැළියේ සාර්ථකත්වය පසෙක තිබියදී එහි වගකීම මගෙන් ඉවත් කර ඇති අතර, එය නියමුවෙකු නැති දේශපාලන අනාතයෙකු බවට ආරම්භයෙන් මාස දෙකක් යන්නට පෙර පත් වෙමින් තිබේ. මේ සියල්ල මා හට දරා ගත නොහැකි වේදනාවක් බව සඳහන් කරමි. මෙවැනි වාතාවරණයක් තුළ පක්ෂ මහ ලේකම් ධුරයේ වගකීම සහ කාර්යභාරය තවදුරටත් මට මගේ හෘදය සාක්ෂියට අනුකූලව ඉටු කළ නොහැකි බව මට මෙන්ම ඔබතුමාටද වැටහෙන බව දනිමි.මම ඔබතුමාගෙන් මේ මොහොතේ ඉල්ලා සිටින්නේ පක්ෂය කල්ලි වාදීන්ගෙන් සහ අවස්ථාවාදී, කුමන්ත්‍රණකරුවන්ගෙන් ගලවාගෙන, සැබෑ‘යූ.ඇන්.පී.කාරයන්ට’ අවස්ථාවක් ලබාදී,දශක දෙකක් තිස්සේ ආණ්ඩුවක් නැතිව සිටින ඔවුනගේ අපේක්ෂාවන් ඉටු කරවන තත්ත්වයක් ඇති කරවන ලෙසයි. එහෙත්, මලික්-රවී-මංගල කල්ලිය මූලික වී ඇතිකර ගත් මෙම සන්ධානයෙන් එක්සත් ජාතික පක්ෂයටත්, පාක්ෂිකයාටත් ඇතිවන යහපත ගැන මට විශ්වාසයක් නැත. ඒයහපත සහතික කර ලබා ගැනීමට පක්ෂයේ කෘත්‍යාධිකාරී මණ්ඩලය පැනවූ කොන්දේසි වලට එකඟ කරවා ගැනීමට මෛත්‍රීපාල සිරිසේන මහතා ජනාධිපති පොදු අපේක්ෂකයා කරවන සාකච්ඡා වලට පක්ෂය වෙනුවන් සහභාගී වූ මලික්-රවී-මංගල කල්ලිය සමත් වී නැත.2004 වසරේදී මලික් සමරවික්‍රම මහතා අප පක්ෂය වෙනුවෙනුත්, මනෝ තිත්තවැල්ල මහතා චන්ද්‍රිකා බණ්ඩාරනායක කුමාරතුංග ජනාධිපතිනිය වෙනුවෙනුත් සහභාගී වීසිදු කළ මනෝ-මලික් සාකච්ඡාවේ අවසන් ප්‍රතිපලය ලෙස 2001දී ලබා ගත් ආණ්ඩුව අපට අහිමි විය.ඒ එදාය. අද මලික් සමරවික්‍රම මහතා ඇතුළු කණ්ඩායමේ සාකච්ඡා වලින් අපේ පක්ෂයට ජනාධිපති අපේක්ෂකත්වයත්, පක්ෂයේ සහ පාක්ෂිකයාගේ අනාගතයත් අහිමි වී ඇත.

එක්සත් ජාතික පක්ෂ මහලේකම් ධුරයෙන් ඉවත්වීමේ තීරණය සති කීපයක් තිස්සේ පරෙස්සමෙන් කරුණු කල්පනා කර බලා මා එළැඹුණු තීරණයකි. එහෙත් කිසි දිනක මම එක්සත් ජාතික පක්ෂය හැර නොයමි. කෙසේ වුවද, පක්ෂ මහ ලේකම් තනතුරේ වගකීම සහ කාර්යභාරය ආත්ම ගෞරවයකින් යුක්තව ඉටු කිරීමට මට නොහැකි අතර එම ධුරයෙන් ඉවත්වීම හැරුණු කොට වෙනත් විකල්පයක් ද මා හට නොමැති බව පැහැදිලිය.

පසුගිය කාලය තුළ විවිධ හැළ-හැප්පිලි සහ කඩාකප්පල්කාරී ක්‍රියා මැද මා සමග එක්ව කටයුතු කළ පාර්ලිමේන්තු මන්ත්‍රීවරුන්ටත්, කොට්ඨාස සංවිධායකවරුන්ටත්, පළාත් සභා සහ පළාත් පාලන ආයතන මන්ත්‍රීවරුන්ටත්, අප පක්ෂයේ නිලධාරීන් සහපාක්ෂිකයන්ටත්, පක්ෂ මූලස්ථාන කාර්ය මණ්ඩලයටත් මගේකෘතවේදීත්වය මෙහිදී පළ කරමි.

මේ තාක් කාලයක් මට මග පෙන්වා, උපදෙස්දී, මා මෙහෙයවූ ඔබතුමාටත්, මට සහය ලබාදුන් කෘත්‍යාධිකාරී මණ්ඩලයටත් මගේ අවංක ස්තුතිය පිරිනමමි.

ස්තුතියි.
මෙයට- හිතවත්,
(අත්සන් කළේ)
තිස්ස අත්තනායක, පා.ම.
avatar
WARREN BSL

Posts : 114
Join date : 2014-07-19

Back to top Go down

Back to top


 
Permissions in this forum:
You cannot reply to topics in this forum