මොකද්ද මේ සුපර් එයිට්?
- nihal123Top contributor
- Posts : 6327
Join date : 2014-02-24
Age : 58
Location : Waga
මොකද්ද මේ සුපර් එයිට්?
August 7, 2016 Nirogya
ශ්රී ලංකා ප්රජා වෛද්ය විශේශඥයින්ගේ සංගමය සෞඛ්ය අමාත්යන්ශයත් සමඟ එක්ව හඳුන්වා දෙන ලද, බෝනොවන රෝග වැලැක්වීම පාලනය සඳහා අනුගමනය කලයුතු යහපත් ජීවන පිළිවෙත් අටක් “ අසිරිමත් දිවියකට සුපර් එයිට්” වශයෙන් විස්තර කර ඇත. “බෝනොවන රෝගයක්” යනු, කෙනෙකුගෙන් තවෙකෙකුට සංක්රමණය නොවන, බොහෝ අවස්ථාවලදී දිගුකාලීනව වැළඳී පැවතිය හැකි රෝග තත්වයන් වේ.(උදා: දියවැඩියාව, අධිරුධිර පීඩනය, පිළිකා රෝග) ලෝක සෞඛ්ය සංවිධානයට අනුව සෑම පුද්ගලයින් පස් දෙනෙකුගෙන්ම එක අයෙක් බෝ නොවන රෝගයකින් පෙලෙන බව හඳුනාගෙන ඇත. දිනෙන් දින වැඩිවන මේ ප්රවනතාව පාලනය කරගැනීම සහ නිරෝගී සමාජයක් කරා අපහැම යොමු කරවීම සඳහා මෙවැනි “සුපර් එයිට්” පිළිවෙත් අනුගමනය කිරීම වැදගත් වේ.
අපි අද සාකච්චා කරන්නේ එම යහපත් දිවිපැවතුම් අට පිළිබඳවයි.
ශරීර ස්කන්ධ දර්ශකය පාලනය කරගැනීම
Body Mass Index – BMI හෙවත් “ශරීර ස්කන්ධ දර්ශකය” යනු පුද්ගලයකුගේ උසට සරිලන බර පිලිබඳ තක්සේරු කරන දර්ශකයකි. එහිදී ඔබේ ශරීර ස්කන්ධය සහ උස යන දත්ත භාවිතාකර ගණනය කිරීමක් මගින් අදාල අගය ලබාගැනේ . BMI = ස්කන්ධය Kg / උසෙහි වර්ගය m2
මෙම අගය 18.5 සිට 24.9 දක්වා පවතී නම් එය නිරෝගී තත්වයක් ලෙස සලකන අතර අදාල අගය 24.9 ට වඩා වැඩි වීම “අධි බර” තත්වයත් 30 ට වැඩිවීම “ස්ථුලතාවය” ලෙසත් සලකයි. මෙම අගයන් අදාල වන්නේ වයස 18 සිට 65 අතර වැඩිහිටියන්ට පමණි. වඩා සුදුසුම BMI අගය 23 වනඅතර එයට කිට්ටු අගයක ඔබේ ශරීර ස්කන්ධය පවත්වා ගැනීම වඩා යෝග්ය වේ.
අධික ලුණු භාවිතයෙන් වැළකීම
ශ්රී ලාංකිකයින් සිය ආහාරයට යහමින් ලුණු ඇඹුල් එක්කරගෙන කෑමට හුරු ජාතියක් බව නොරහසක්. නමුත් අධික ලෙස ලුණු ශරීරගතවීම අධි රුධිර පීඩනය ඇතුළු විවිධ රෝග ගණනාවක් ලඟා කරවීමට සමත් බව ඔබ දන්නවාද? එහෙයින් ලුණු පාලනය කිරීම ඉතාම වැදගත් වන අතර දිනකට එක පුද්ගලයකුට ලුණු තේ හැන්දකට වැඩිපුර ලබා නොගන්නා ලෙස අවධාරණය කර ඇත. හතරදෙනෙකුගෙන් යුක්ත පවුලකට ග්රෑම් 400ක ලුණු පැකට්ටුවක් දින 20කට වඩා භාවිතා කරන ලෙස උපදෙස් දී ඇත.
සීනි පාලනය
දියවැඩියාව අපරටේ සුලභම බෝනොවන රෝගයයි. සීනි භාවිතය අවම කරගැනීමට හුරුවීම නිරෝගී ජිවිතයක් ගතකිරීමට ඉතාම වැදගත්වන සෞඛ්ය පුරුද්දක්.එබැවින් දිනකට සිනි තේ හැඳි 6 කට වඩා අඩු කරගැනීම තුන්වන සුපර් එයිට් අංගයයි.
නිරතුරු ව්යායාම වල යෙදීම
කුමන ආකාරයේ හොඳ ආහාර පුරුදු අනුගමනය කලද, ව්යායාම කිරීම අතපසු කරන්නේ නම් ඔබට නිරෝගී ශක්තිමත් දිවියකට ලඟාවිය නොහැක. දිනකට අවම වශයෙන් මිනිත්තු 30 බැගින් සතියකට දින 5ක් වත් වේගයෙන් ඇවිදීම, ක්රීඩා කිරීම, බයිසිකල් පැදීම හෝ පිහිනීම වැනි ක්රියාකාරකම් සිදුකිරීම යෝග්ය වේ. ව්යායාම නිසා මාංශ පේශි ක්රියාකාරිත්වය මනාව සිදුවීම සහ රුධිර ගමනය වැඩිදියුණු වී ශරීරය ප්රකෘතිමත් වීම සිදුවේ . 5. එළවලු පලතුරු යහමින් අනුභව කිරීම. දිනකට එළවලු හෝ පලතුරු වර්ග 5ක්වත් අනුභව කිරීම පස්වෙනි සුපර් එයිට් පිළිවෙතයි. සාමාන්ය පුද්ගලයෙකු දිනකට එළවලු හෝ පලතුරු වර්ග ග්රෑම් 400ක් වත් ආහාරයට ගතයුතු බව මෙහිදී පෙන්වා දී ඇත. මෙමගින් ශරීරස්කන්ධය පාලනය වීම, මලබද්ධය ඇතිනොවීම සහ සිරුරට අවශ්ය විටමින හා ඛනිජ ලවණ ලබාගැනීම සිදුවේ.
ට්රාන්ස් මේදය අඩංගු ආහාර වලින් වැලකී සිටීම
ට්රාන්ස් මේදය යනු, ශරීරයට නුසුදුසු අර්ධවශයෙන් හයිඩරජනිකරණය වූ තෙල් වර්ගයකි. මෙවැනි තෙල් වර්ග වාණිජ මට්ටමෙන් සිදුකරන ආහාර නිෂ්පාදනයන්හි බහුලව පවතී.( උදා; පේස්ට්රි කට්ලට් වර්ග ,පැටිස් කේක් වර්ග…) එක වරක් පාවිච්චියෙන් පසු ඉවත නොදා නැවත නැවතත් එම තෙල්ම පාවිච්චියට ගැනීමෙන් ට්රාන්ස් මේදය ඇතිවේ. එනිසා අධික උෂ්ණත්වයක් යටතේ ආහාර පිසීමට සුදුසුම තෙල් වර්ගය පිරිසිදු පොල් තෙල් වේ.
මත්පැන් හා දුම්වැටි පානයෙන් බැහැරවීම
මත්පැන් අධිකව පානය කිරීම මගින් සිරෝසිස් අධි රුධිර පීඩනය මානසික රෝග වැනි බෝ නොවන රෝග ගණනාවක් ඇතිවේ. දුම්පානය මගින් පිළිකා,හර්ද රෝග ,ලිංගික අප්රාණිකත්වය වැනි බරපතල බෝ නොවන රෝග වලින් ඔබ මුළු ජීවිතකාලයම පීඩාවට පත්විය හැක. එමනිසාඒවායින් බැහැරවීම අපගේ හත්වෙනි ඉලක්කයයි.
රුධිර පීඩනය සාමාන්ය අගයක පවත්වා ගැනීම
රුධිර පීඩනය 140/90 mmHg ටඅඩු අගයක පවත්වා ගැනීම මෙහිදී ඔබේ අවධානය යොමුකරවා ඇත. අවම වශයෙන් වසරකට වරක්වත් ඔබේ රුධිර පීඩනය පරීක්ෂාකරවා ගැනීම සුදුසුවේ.
ඉහත පෙන්වා දීඇති පරිදි, මෙම වැදගත් කරුණු අට පිලිබඳව සැලකිලිමත්වීමෙන් වඩා නිරෝගී සහ ශක්තිමත් සිරුරක් මෙන්ම මනසක් ඔබට ලබාගතහැක. එමෙන්ම එමගින් රටේ දියුණුවට අපේ දායකත්වය උපරිමයෙන් සැපයීමට හැකියාව ඇතිකරගත හැකියි.
වෛද්ය දේවිකා ජයසේකර (MBBS)
ශරීර ස්කන්ධ දර්ශකය පරීක්ෂාකරවා ගැනීමට-
http://suwasariya.gov.lk/index.php?option=com_content&view=article&id=12&Itemid=9&lang=si
- RanaTop contributor
- Posts : 1786
Join date : 2015-12-16
Re: මොකද්ද මේ සුපර් එයිට්?
- CKActive Member
- Posts : 1393
Join date : 2015-11-01
Re: මොකද්ද මේ සුපර් එයිට්?
- sanjulanka
- Posts : 180
Join date : 2015-10-29
Re: මොකද්ද මේ සුපර් එයිට්?
- Danidu
- Posts : 264
Join date : 2015-09-03
Age : 43
Location : Welisara
Re: මොකද්ද මේ සුපර් එයිට්?
- HUNTERTop contributor
- Posts : 1935
Join date : 2014-07-14
Re: මොකද්ද මේ සුපර් එයිට්?
To make it Super 9;
Do some 10 minute + meditation a day.
- කිත්සිරි ද සිල්වාTop contributor
- Posts : 9679
Join date : 2014-02-23
Age : 66
Location : රජ්ගම
Re: මොකද්ද මේ සුපර් එයිට්?
( I miss old Jiggy here now ! )