- nihal123Top contributor
- Posts : 6327
Join date : 2014-02-24
Age : 58
Location : Waga
2015 මූල්ය වසරේ කොමර්ෂල් බැංකුවට ශක්තිමත් ලාභ වර්ධනයක්
ශ්රී ලංකාවේ විශාලතම පුද්ගලික වාණිජ බැංකුව වන කොමර්ෂල් විසින් සලකා බලන මාස 12 ක කාලය තුළදී සියළුම අංශවල ඉහළ ප්රගතියක් ලබාගනිමින් පසුගිය වසරේ අදාළ කාලයට සාපේක්ෂව 8.94% කින් ශක්තිමත් ලෙස සිය බදු වලට පෙර ලාභය වර්ධනය කර ගැනීමට සමත්ව තිබීම මෙහිදී කැපී පෙනේ. පසුගිය වසරේ අදාළ කාලයට සාපේක්ෂව බැංකුව විසින් අඩු ලාභ පරාස, අඩු ප්රාග්ධන ප්රතිලාභ සහ ඉහළ බදු ගෙවීම් හමුවේ වුවද 2015 මූල්ය වසරේදී බදු වලට පසු ලාභය 6.47% කින් වර්ධනය කර ගනිමින් රුපියල් බිලියන 11.903 ක ශ=ද්ධ ලාභයක් වාර්තා කර තිබේ. සලකා බලන කාලයේදී මූල්ය අගය එකතුකිරීමේ බද්දට (Financial VAT) සහ ජාතිය ගොඩනැගීමේ බද්දට (NBT) පෙර බැංකුවේ ලාභය 8.73% කින් වර්ධනය වී තිඛෙන අතර එම ලාභය රුපියල් බිලියන 20.033 කි.
බැංකුව විසින් කොළඹ කොටස් වෙළඳ පොළට දැනුම් දී තිඛෙන්නේ සලකා බලන මුදල් වසරේදී දළ ආදායම 7.03% කින් රුපියල් බිලියන 77.868 ක් දක්වාත් ශ=ද්ධ පොලී ආදායම 11.47% කින් රුපියල් බිලියන 30.346 ක් දක්වා පසුගිය වසරේ අදාළ කාලයට සාපේක්ෂව වර්ධනය වී තිඛෙන බවයි.
සලකා බලන වසරේ බොහෝ අංශවල ඉහළ කාර්ය සාධනය අතුරින් බැංකුවේ ණය පොතේ ඉතාමත් ශක්තිමත් වර්ධනය කැපී පෙනෙන අතර එය රුපියල් බිලියන 102.684 කින් හෙවත් 25.33% කින් රුපියල් බිලියන 508.115 ක් දක්වා වර්ධනය වී තිබේ. බැංකුවේ ණය පොත වසරක් තුළදී රුපියල් බිලියන 100 කට වඩා ශ=ද්ධ වර්ධනයක් ලබා තිඛෙන්නේ පළමු වතාවටයි.
මෙම කාලය තුළදී බැංකුවේ සමස්ත වත්කම් ප්රමාණය රුපියල් බිලියන 84.195 කින් හෙවත් 10.58% කින් රුපියල් බිලියන 879.805 ක් දක්වා පසුගිය වසරේ අදාළ කාලයට සාපේක්ෂව වර්ධනය වී තිඛෙන අතර ගනුදෙනු කරුවන්ගේ තැන්පතු රුපියල් බිලියන 94.740 කින් වර්ධනය වී ඇත. මේ අනුව, ගනුදෙනුකරුවන්ගේ තැන්පතු සාමාන්ය වශයෙන් මාසයකදී රුපියල් බිලියන 7.9 කින් වර්ධනය වී තිඛෙන අතර 2015 වසර අවසන් වනවිට සමස්ත තැන්පතු ප්රමාණය රුපියල් බිලියන 624.102 ක්වී තිඛෙන්නේ පසුගිය වසරේ අදාළ කාලයට සාපේක්ෂව 17.90% ක වර්ධනයක් ලබාගනිමිනි.
“අපි මෙම මූල්ය ප්රතිඵල පිළිබඳව සතුටු වන්නේ වෙනස් වන තත්ත්වයන් හමුවේ බැංකුවට ශ්රී ලංකාවේ සහ විදේශ වෙළඳ පොළේ සිය සළකුණ අඛණ්ඩව පතුරුවමින් වර්ධනය වීමට තිඛෙන හැකියාව මෙයින් මනාව පෙන්නුම් කරන නිසයි. එසේම, මෙහිදී කැපී පෙනෙන්නේ ලංකාවේ සමාජ ආර්ථීක ප්රගමනය වෙනුවෙන් බැංකුව කැපී පෙනෙන සාධකයක් ක්රියා කිරීමයි“, යනුවෙන් කොමර්ෂල් බැංකුවේ සභාපති, ධර්ම ධීරසිංහ මහතා සඳහන් කළේය.
බැංකුවේ කළමනාකාර අධ්යක්ෂ සහ ප්රධාන විධායක නිළධාරී, ජෙගන් දුරෙයිරත්නම් මහතා සඳහන් කළේ මියන්මාරය, මාලදිවයින සහ ඉතාලිය යන රටවල බැංකු මෙහෙයුම් කටයුතු කිරීමට 2015 වසරේදී කොමර්ෂල් බැංකුවට බලපත්ර හිමිවීම කැපී පෙනෙන බවත් ඒ තුළින් බැංකුවේ අනාගත වර්ධනයට ශක්තිමත් පදනමක් වැටී තිඛෙන බවයි. “සලකා බලන වසරේදී වඩාත් කැපී පෙනෙන අපගේ සීමාවන් පුළුල් කරන ජයග්රහණ වන්නේ මේවායි. මේවා තුළින් වර්ධනය වීමට නව අවස්ථාවන් ලැඛෙන අතරම දේශීය වෙළඳ පොළ තුළ අපගේ තත්ත්වය තවදුරටත් ශක්තිමත් වෙනවා“, යනුවෙන් ඔහු සඳහන් කළේය.
සලකා බලන මුදල් වසරේදී කොමර්ෂල් බැංකුවේ පොලී ආදායම 6.79% කින් රුපියල් බිලියන 66.031 ක් දක්වා වර්ධනය වී තිඛෙන අතර පොලී වියදම 3.11% කින් රුපියල් බිලියන 35.685 ක් දක්වා පසුගිය වසරේ අදාළ කාලයට සාපේක්ෂව වර්ධනය වී තිබේ. ජංගම ගිණුම් සහ ඉතිරිකිරීමේ ගිණුම් අනුපාතය (CASA) දියුණුවීම සහ වත්කම් සහ වගකීම් කාලීනව නැවත මිල කිරීම මේ සඳහා දායකවී තිබේ.
මේ අතර, බැංකුවේ අනිකුත් මෙහෙයුම් ආදායම් 2015 මූල්ය වසරේදී 7.65% කින් වර්ධනය වී රුපියල් බිලියන 10.936 ක්වී තිඛෙන්නේ ශුද්ධ ගාස්තු සහ කොමිස් 11.24% කින් රුපියල් බිලියන 5.374 ක් දක්වා වර්ධනය වෙමිනි. පසුගිය හිඟ ණය අයකරගැනීම 20.67% කින් රුපියල් බිලියන 4.055 ක් දක්වා වර්ධනය වීම, 2014 වසරේදී වෙළඳාම මගින් ලැබූ රුපියල් මිලියන 305 ක ශුද්ධ අලාභය රුපියල් මිලියන 813 ක ශුද්ධ ලාභයක් බවට 2015 වසරේදී පත්කර ගැනීම වැනි කරුණුද වෙනත් ආදායම් වර්ධනය කර ගැනීමට හේතුවී තිබේ. කෙසේවෙතත්, සලකා බලන වසරේදී මූල්ය ආයෝජන මගින් ලැබූ ශුද්ධ ලැබීම් රුපියල් මිලියන 694 ක් පමණක් වී තිඛෙන අතර 2014 වසරේදී මෙමගින් රුපියල් බිලියන 2.273 ක ලාභයක් ලබා තිබුණේ ඉන් වැඩිම ලාභ ප්රමාණය බැඳුම්කර වෙළඳාම මගින් ලබාගනිමිනි.
බැංකුව විසින් ණය හානිකරණ ගාස්තු වෙනුවෙන් සිදුකළ වෙන්කිරීම් සලකා බලන කාලයේදී 22.11% ක් දක්වා රුපියල් බිලියන 3.943 ක් දක්වා වර්ධනය වී තිබුණද බැංකුවේ අක්රීය ණය අනුපාතය අඩුවී තිබේ. මෙහිදී, කැපී පෙනෙන්නේ බැංකුව විසින් 2015 මූල්ය වසරේදී සමස්තයක් ලෙස සිය අක්රීය ණය අඩුකර ගැනීමට සමත්ව තිබීමයි.
ණය හානිකරණ ගාස්තු වලට පෙර බැංකුවේ සමස්ත මෙහෙයුම් ආදායම සලකා බලන කාල සීමාවේදී 10.44% කින් රුපියල් බිලියන 41.282 ක් දක්වා වර්ධනය වී තිඛෙන අතර ශුද්ධ මෙහෙයුම් ආදායම 9.33% කින් රුපියල් බිලියන 37.338 ක් දක්වා වර්ධනය වී ඇතැයි බැංකුව සඳහන් කරයි. මේ අතර, මෙම මාස 12 ක කාලය තුළදී බැංකුවේ සමස්ත මෙහෙයුම් වියදම 10.04% කින් රුපියල් බිලියන 17.306 ක් දක්වා වර්ධනය වී තිබේ.
කොමර්ෂල් බැංකුව සඳහන් කර තිඛෙන්නේ 2014 අවසානයේදී තිබූ බැංකුවේ දළ අක්රීය ණය අනුපාතය 3.47% ක සිට 2.74% ක් දක්වාත් ශුද්ධ අක්රීය ණය අනුපාතය 1.86% ක සිට 1.41% ක් දක්වාත් අඩුව තිඛෙන බවයි. මේ අතර, වත්කම් වලට අදාළ ප්රතිලාභ (ROA) සහ කොටස් වලට අදාළ ප්රතිලාභ (ROE) අඩු පරාස සහ ඉහළ වත්කම් වර්ධනය හමුවේ සලකා බලන කාලයේදී පිළිවෙලින් 1.42% සහ 16.90% ක් ලෙස පහළ ගොස් තිබේ. පිරිවැය ආදායම් අනුපාතය 48.92% ක මට්ටමක තිඛෙන අතර එය තිඛෙන්නේ බැංකු ක්ෂේත්රයේ මට්ටමට වඩා පහළිනි. මේ අතර, බැංකුවේ ශුද්ධ පොලී අන්තරය 2014 දී තිබූ 3.60% ක සිට සලකා බලන කාල සීමාව තුළදී 3.39% ක් දක්වා අඩු වී තිබේ.
බැංකුව විසින් 2014 අවසානයේදී ණය ආවරණ වෙනුවෙන් කළ 46.34% ක් වන වෙන්කිරීම් 2015 මූල්ය වසරේදී 48.49% ක් දක්වා වැඩිකර තිබේ. මේ අතර, බැංකුවේ ණය පොත වර්ධනය වීම හමුවේ ප්රාග්ධන ප්රමාණත්ව අනුපාතයන් සුළු වශයෙන් පහළ ගොස් තිඛෙන අතර පළමු පෙළ ප්රාග්ධන ප්රමාණත්ව අනුපාතය (Tier I) 11.60% ක් ලෙසත් සමස්ත ප්රාග්ධන ප්රමාණත්ව අනුපාතය (Tier I + Tier II) 14.26% ක් ලෙසත් ව්යස්ථාපිත අවශ්යතාවන් වන 5% සහ 10% මට්ටම් වලට සාපේක්ෂව ඉතා ඉහළින් පවතී.
සමූහයක් ලෙස ගත්විට කොමර්ෂල් බැංකුව එයට අනුබද්ධ ආයතන සහ ඒකක සමග 2015 දෙසැම්බර් 31 වනදායින් අවසන් වන මුදල් වසරේදී රුපියල් බිලියන 17.136 ක බදු වලට පෙර ලාභයක් වාර්තා කර තිඛෙන අතර එය පසුගිය වසර සමග සැසඳීමේදී 8.05% ක වර්ධනයකි. අදාළ කාලයේදී සමූහය බදු වලට පසුව රුපියල් බිලියන 11.859 ක ලාභයක් වාර්තා කර තිඛෙන අතර එය 5.48% ක වර්ධනයක් වේ.
- කොමර්ෂල් බැංකුවට හැකරුන්ගේ ප්රහාරයක්
- දෙවන කාර්තුවේ ඉහළ වර්ධනය සමඟින් කොමර්ෂල් බැංකුව තවත් ශක්තිමත් වෙයි
- IMF පළමු ණය වාරිකයෙන් මූල්ය ගිණුම ශක්තිමත් වෙයි
- කොමර්ෂල් බැංකුවට නව කළමනාකාර අධ්යක්ෂවරයෙකු සහ ප්රධාන මෙහෙයුම් නිලධාරියෙකු පත්කෙරේ
- සෙලාන් බැංකුව 2015 පළමු කර්තුවේ දී 27% ක වර්ධනයක් සමගින් රුපියල් මිලිියන 651 ක බදුගෙවීමෙන් පසු ලාභයක් වාර්තා කරයි