- nihal123Top contributor
- Posts : 6327
Join date : 2014-02-24
Age : 58
Location : Waga
වෙළෙඳපොළ වැටුණු මොහොතේ නිමල් රු. බිලියන 2 ක කොටස් අරන්
ඔහු මෙහිදී පවසා ඇත්තේ වෙළෙඳපොළ පහළ ගිය අවස්ථාවේ ආයෝජන මූලධර්මවලට අනුකූලව අගය කෙරෙන ඉතා හොඳ තත්ත්වයේ සමාගම් කොටස් අඩු මිලට මිල දී ගැනීම සඳහා මේ වන විට අවස්ථාව ලැබී ඇති බවයි.
බැංකු අංශයේ හා විවිධාංගීකරණය කරන ලද සමාගමේ කෙරෙහි තමා වැඩි වශයෙන් උනන්දු වන බවත්, මිල පොත් අගය අනුපාතය අනුව ඉතා ආකර්ෂණීය තක්සේරුවක් ඇති සමාගම් කොටස් මිල දී ගැනීමට තමා යොමු වුණු බවත් නිමල් පෙරේරා කියා සිටී.
පසුගිය සතිය තුළ හැටවන් නැෂනල් බැංකුවේ කොටස් මිලියන 1.36 ක් මිල දී ගැනීම සඳහා රුපියල් මිලියන 273 ක් ආයෝජනය කළ ඔහු සම්පත් බැංකුවේ කොටස් මිලියන 1.4 ක් වෙනුවෙන් රුපියල් මිලියන 330 ක් වැය කර තිබේ.
මේ අතර ජෝන් කීල්ස් හෝල්ඩිංග්ස් සමාගමේ කොටස් මිලියන 1.5 ක් එකක් රු. 135 බැගින් ද, එයිට්කන් ස්පෙන්ස් සමාගමේ කොටස් මිලියන 1.5 ක් හා එක්ස්පෝලංකා හෝල්ඩිංග්ස් හි කොටස් මිලියන 3 ක්ද ඔහු විසින් මෙම වකවානුවේ දී මිල දී ගෙන ඇත.
මෙම ආයෝජනයන් සඳහා අවශ්ය මුදල් ඔහු විසින්ම සපයා ගෙන ඇති අතර ආන්තික පහසුකම් ද ඒ වෙනුවෙන් ලබා ගෙන තිබේ. මෙලෙස අරමුදල් සම්පාදනය කර ගැනීම සඳහා තම හිමිකාරීත්වය යටතේ තංගල්ලේ පිහිටි නිවාඩු නිකේතනය සිංගප්පූරු ආයෝජකයෙකු හට ඩොලර් මිලියන 2.5 කට විකුණා දැමීමට නිමල් පෙරේරා කටයුතු කර ඇත. එසේම 2014 වසරේ දී රුපියල් මිලියන 250 කට මිල දී ගනු ලැබූ මර්කන්ටයිල් ප්රොඩියුස් බ්රෝකර්ස් සමාගමේ ඔහු සතුවූ 97% කොටස් අයිතිය රුපියල් බිලියනයක මුදලකට විකුණා දමන්නට ද ඔහු පියවර ගෙන තිබේ.
මෙරට ප්රකෝටිපති ව්යාපාරික ධම්මික පෙරේරාගේ සමීපතම ආයෝජක සගයා ලෙසින් හැඳින්වුනු නිමල් පෙරේරා, ධම්මික පෙරේරා පරම බහුතර කොටස් හිමිකාරීත්වය දැරූ රෝයල් සෙරමික් පීඑල්සී, හොරණ වැවිලි සමාගම, ලංකා සෙරමික්, ලංකා වෝල්ටයිල්ස්, ස්විස්ටෙක් (සිලෝන්) , ලංකා ටයිල්ස්, අමායා ලෙසර්, කින්ග්ස්බරි හෝටලය, හේකාබ්, හේලීස් හා තලවාකැලේ වැවිලි සමාගම ඇතුළු සමාගම් කිහිපයකම අධ්යක්ෂ ධූරවලින් 2017 වසරේ මාර්තු මාසයේ දී ඉල්ලා අස්විය.
- Ethical TraderTop contributor
- Posts : 5568
Join date : 2014-02-28
Re: වෙළෙඳපොළ වැටුණු මොහොතේ නිමල් රු. බිලියන 2 ක කොටස් අරන්
This is a good indication that CSE is very attractive now a days. Now foreigners would enter slowly.
- Share Market Losses of Rs.600 b / කොටස් වෙළෙඳපොළ වැටීම බිලියන 600යි
- කොටස් වෙළෙඳපොළ අඛණ්ඩව 5 වන දිනයටත් ඉහළට. සියලු කොටස් ඒකක 94 කින් නගී
- ශ්රී ලංකා කොටස් වෙළෙඳපොළ ඉතිහාසයේ දෙවැනි විශාලතම කොටස් ගනුදෙනුව අද
- කොටස් වෙළෙඳපොළ සක්රීය වෙයි. දෛනික පිරිවැටුම රු. බිලියනය ඉක්මවයි. සියලු කොටස් ඒකක 51කින් ඉහළට
- කොටස් ගනුදෙනු බද්ද 2016 අප්රේල් 15 වන දින සිට යළි ක්රියාවට නංවන බව කොළඹ කොටස් වෙළෙඳපොළ නිවේදනය කර තිබේ.