- Ethical TraderTop contributor
- Posts : 5568
Join date : 2014-02-28
බුදු දහම වැළඳ ගන්නා බවට මායාවතීගෙන් අභියෝගයක්.
Image copyright Getty Images
Image caption මායාවතී හතර වතාවක් උත්තර් ප්රදේශ් මහ ඇමති පදවිය දරා ඇත.
දලිත් කුල පීඩිත ජනතාව සම්බන්ධයෙන් ආණ්ඩුව අනුගමනය කරන පිළිවෙතේ වෙනසක් සිදු නොකෙරන්නේ නම් ඊට විරෝධය පළ කරමින් තමා ඇතුළු සිය අනුගාමිකයන් බුදු දහම වැළඳ ගන්නා බවට උත්තර් ප්රදේශ් ප්රාන්ත ආණ්ඩුවේ හිටපු මහ ඇමතිනී මායාවතී පවසයි.
බහුජන් සමාජ් පක්ෂයේ (BSP) නායිකාව වන මායාවතී එම අභියෝගය කරන ලද්දේ 'අසාම්ගර්' (AZAMGARH) නගරයේ පැවැති මහජන රැළියක් අමතමිනි.
ආචාර්ය භීම්රාඕ අම්බෙඩ්කාර් ගිය මග යමින්, ගෝත්රික ජනයා සහ සමාජයෙන් කොන් කරන ලද වෙනත් ජන කොටස් සමඟ තමාත් බුදු දහම වැළඳ ගන්නා බව එම රැලියේ දී හිටපු මහ ඇමතිනිය කියා සිටියාය.
"දලිත් ජනතාව, ආදිවාසීන් සහ වෙනත් පසුගාමී සමාජ කණ්ඩායම් කෙරෙහි දක්වන කුලවාදී සහ වාර්ගික මානසිකත්වයේ වෙනසක් කර ගන්න කියන විවෘත අභියෝගය මම පෙරට තබල තියෙනවා. එය ඉටු නොවුනොත් එම ජන කොටස් සමඟ අපේ ආගම් වෙනස් කරලා බුදු දහම වැළඳ ගන්නවා" මායාවතී ප්රකාශ කළාය.
ඉන්දීය දේශපාලනය තුළ 'යකඩ ගැහැණිය' යනුවෙන් ද හඳුන්වනු ලබන මායාවතී නැත්නම් 'කුමාරි මායාවතී' සිව් වතාවක් උත්තර් ප්රදේශ් ප්රාන්තයේ මහ ඇමති ධුරය හොබවා ඇත.
1995 වසරේ පළමු වතාවට කෙටි කලක් මහ ඇමතිනිය වූ මායාවතී, 1997 දීත් ඉන් අනතුරුව 2002-03 සහ 2007-2012 කාල පරිච්ඡේද තුළත් උත්තර් ප්රදේශ් මහඇමති ධුරය දරුවාය.
Image caption කුල ගැටුම් නිසා උත්තර් ප්රදේශ් ප්රාන්තයේ නිතර ව්යාකූල අවස්ථා වාර්තා වේ
මායාවතී නායකත්වය දෙන බහුජන් සමාජ් පක්ෂය ඉන්දියානු සමාජයේ වරප්රසාද අහිමි ජනතාව වෙනුවෙන් හඬ නගන දේශපාලන බලවේගයකි.
මුලින් සඳහන් කරන ලද අභියෝගය ඉදිරිපත් කරමින් තවදුරටත් අදහස් දැක්වූ මායාවතී "හින්දුවාදය තුළ කුල ධුරාවලිය අනුව සිදු කරනු ලබන වෙනස්කම් නිසා ආචාර්ය අම්බෙඩ්කාර් සිය ජීවිතයේ අන්තිම කාලයේ 'නාග්පුර්'හිදී බුදුදහම වැළඳ ගන්නා ලද බවත් සිහිපත් කළාය.
බී.ආර්.අම්බෙඩ්කාර් 1956 වසරේ දී බුදු සමය වැළඳ ගත්තේ හින්දු කුල ක්රමයට එරෙහිවය.
" දලිත් ජනතාව ඇතුළු පීඩිත ජන කොටස්වලට එල්ලවන වෙනස්කම් නතර කරන මෙන් කළ ඉල්ලීම් ඉටු නොවූ තැන අම්බෙඩ්කාර් බුදු දහම වැළඳ ගත්තා" මායාවතී පවසන්නීය.
'වර්ණ ව්යවස්ථා' නම් හින්දු කුල ක්රමයට (CAST SYSTEM) පහර දෙමින් කතා කළ හිටපු මහ ඇමතිනී මායාවතී, එම කුල වාදය යටතේ දලිත් කුල පීඩිතයන්, ආදිවාසීන් සහ වෙනත් පසුගාමී සමාජ කණ්ඩායම් 'පිළිසරණක් නැති වහලුන්' බවට පත්ව ඇති බව පෙන්වා දුන්නාය.
හින්දු කුලවාදය සම්බන්ධයෙන් නිදසුන් ඉදිරිපත් කරමින් අදහස් දැක්වූ මායාවතී ඉන්දියාවේ දලිත් කුලයට අයත් පර්යේෂකයකු වූ ආචාර්ය රෝහිත් වෙමුලා කුල පීඩනය හමුවේ සිය දිවි හානිකර ගැනීම සිහිපත් කළාය.
හින්දු ජාතිකවාදී RSS දක්ෂිණාංශික සංවිධානයේ කුලවාදී න්යාය පත්රයට වලංගු භාවයක් ලබා දෙන බව පවසමින් පාලක භාරතීය ජනතා පක්ෂයත් (BJP) මායාවතීගේ දෝෂ දර්ශනයට ලක් විය,
මායාවතී පවසන පරිදි එවැනි අව වරප්රසාදිත ජනතාව අධ්යාපනය, ගොවිතැන ,රැකියා ලබා ගැනීම මෙන්ම දේශපාලනයේ නෛතික අයිතිය උරුම කර ගන්නා ලද්දේ හින්දු දෙවියකු හෝ දෙවඟනක් නිසා නොව ආචාර්ය අම්බෙඩ්කාර් විසින් ඉටු කරන ලද කාර්යභාරය හේතුවෙනි.
Image caption විනාශ කරන ලද දලිත් නිවසක්
සිය බහුජන් සමාජ් පක්ෂයේ (BSP) නිර්මාතෘ කනිෂ් රාම් (KANISH RAM) විසින් ඉදිරිපත් කරන ලද දෘෂ්ටිය සම්බන්ධයෙන් ද අදහස් දැක්වූ මායවතීට අනුව සිය හිටපු නායක "කනිෂ් රාම් බුදු දහම වැළඳ නොගත්තත් විශ්වාසය අනුව ඔහු බෞද්ධයකු" විය.
සිය කතාවේ දී වත්මන් උත්තර් ප්රදේශ් මහ ඇමති යෝගී ආදිත්යනාත් ඉලක්ක කරමින් වාග් ප්රහාරයක් එල්ල කළ මායාවතී " මහ ඇමතිවරයා ආණ්ඩු කරන්නේ අයෝධ්යා ,චිත්රකූට් සහ ගෝරක්නාත් හින්දු කෝවිල්වල පුදපූජා (POOJA -PATH ) වලින් අනතුරුව කාලය තිබුනොත් පමණක්" යැයි කියා සිටියාය.
- Ethical TraderTop contributor
- Posts : 5568
Join date : 2014-02-28
Re: බුදු දහම වැළඳ ගන්නා බවට මායාවතීගෙන් අභියෝගයක්.
- malanp
- Posts : 518
Join date : 2014-03-04
Re: බුදු දහම වැළඳ ගන්නා බවට මායාවතීගෙන් අභියෝගයක්.
- Ethical TraderTop contributor
- Posts : 5568
Join date : 2014-02-28
Re: බුදු දහම වැළඳ ගන්නා බවට මායාවතීගෙන් අභියෝගයක්.
malanp wrote: All religions created by Indians look after only two things, Money and power..
- guruji
- Posts : 602
Join date : 2015-04-27
Re: බුදු දහම වැළඳ ගන්නා බවට මායාවතීගෙන් අභියෝගයක්.
- Ethical TraderTop contributor
- Posts : 5568
Join date : 2014-02-28
Re: බුදු දහම වැළඳ ගන්නා බවට මායාවතීගෙන් අභියෝගයක්.
- කිත්සිරි ද සිල්වාTop contributor
- Posts : 9679
Join date : 2014-02-23
Age : 66
Location : රජ්ගම
Re: බුදු දහම වැළඳ ගන්නා බවට මායාවතීගෙන් අභියෝගයක්.
(Sometimes two or more paths criss-cross each other and then the so-called believers, let go the essence of the teachings and fight over mundane/petty issues).
Ethical Trader wrote:Very true. Its a philosophy based way of life.
_________________
I am the wisest man alive, for I know one thing, and that is that I know nothing.
Socrates